Jasir Asani ishte heroi i Partizanit ditën e sotme, teksa shënoi golin e vetëm të ndeshjes ndaj Apolonisë, duke i dhënë të kuqve fitoren, e cila i ngjit në vendin e parë. Pas ndeshjes, futbollisti është shfaqur shumë i lumtur, teksa për mikrofonat e “Supersport” u shpreh:
E nisëm shumë mirë dhe e kishim vlerësuar maksimalisht Apoloninë, E donim këtë fitore me çdo kusht. Apolonia është e lehtë në letër, por janë kundërshtar i vështirë.
Jam i lumtur për golin. Nuk është pak të shënosh për Partizanin 9 gola. Duhet ta mbajmë fort vendin e parë dhe të mos e lëshojmë më. Jemi ekipi më i mirë dhe këtë e kemi treguar gjatë ndeshjeve.
Zëvendësimi? Unë dua të luaj gjithmonë 90 minuta, por sigurisht që ndonjëherë duhet pak pushim. Trajneri e di më mirë se çfarë duhet të bëjë. Asnjë lojtar nuk është i lumtur kur zëvendësohet, por gjithçka e vendos trajneri.”, tha Asani.
About Author
