33 qytetarë të zonës dhe aktivistë janë ndaluar nga policia, pas protestës për lumin Thirrë në Mirditë. Por protestuesve të arrestuar që janë banorë dhe aktivistë të Vetvëndosjes u është bërë presion të nënshkruajne deklarata ku pranojnë akuza te paverteta.
Nga ana tjetër, protestuesit nuk i kanë nënshkruar deklaratat, që u ka vënë para policia, por në të njëjtën kohë nuk janë lejuar të takojnë avokatët. Po ashtu, mësohet se vajzave aktiviste të ndaluara u është bërë presion për të nënshkruar deklarata të gatshme, pa praninë e avokatit, ndërsa një efektiv ka goditur më herët me brryl në fytyrë kandidatin Iliaz Shehu.
Për tre aktivistë policia ka nisur procedurat e arrestimit, por pa i lejuar të takohen me avokatët, ndërsa Lëvizja Vetëvendosje e konsideron këtë një presion të pastër politik.
About Author
