Ditën e djeshme, përfaqësuesja e Kosovës pësoi një disfatë nga Spanja, por dardanët arritën të dalin kryelartë pasi spanjollët u detyruan t’i përmbahen protokollit të UEFA-s duke pranuar këndimin e himnit kosovar dhe valëvitjen e flamurit zyrtar.
Një standart të dyfishtë përdorë mediat spanjolle duke vepruar krejt të kundërtën nga kushtet vendosura nga UEFA. Teksa transmetohej ndeshja e Spanjës me Kosovën, televizioni “TVE” kishte shkruajtur emrin e Kosovës me shkronja të vogla dhe komentatorët e ndeshjes gjatë gjithë kohës i referoheshin dardanëve me fjalët “kundërshtari i Spanjës” ose “federata kosovare”.
Një reagim për këtë skandal ka bërë dhe e përditshmja katalanase “L’Esportiu”, e cila në artikullin e saj i është referuar Spanjës më frazën “federata spanjolle”, duke i thumbuar në mënyrë direkte. Kujtojmë se në vitin 2017, Katalunja zhvilloi një referendum për tu ndarë nga shteti spanjoll, ku shume kritikë të futbollit e kanë cilësuar sjelljen skandaloze të Spanjës si një shenjë hakmarrje për situatën që po kalon brenda shtetit të saj.
About Author
