SHABAN SINANI
Të dielën me fillim në ora 16:00, në gjashtë stadiumet e ekipeve që garojnë në elitën e futbollit vendor në program janë duelet e xhiros së 27-të të kampionatit 2024/2025. Gjithsesi se duelet më interesante janë takimet në Maxhari, Shkup, por edhe Manastir, Kratovë edhe Tetovë.
Lideri në renditjen e tabelës Shkëndija e Tetovës pas zhgënjimit në ndeshjen e pare të gjysmëfinales së Kupës nga Struga Trim në Tetovë, nesër do të përballet me skuadrën e para fundit në renditjen e tabelës Voska Sport ekipe e cila megjithatë akoma nuk dorëzohet. Kuqezinjtë janë favorite absolute dhe ë rezultate tjetër pos fitores do të ishte befasia e llojit të vetë. Prandaj Shkëndija këto tre ditë ka punuar maksimalisht të kthyer atmosferën fituese dhe për të mënjanuar disa dobësi, ndërsa pritet që të jenë edhe te kompletuar me formacionin.
“Ne jemi përgatitur maksimalisht për këtë ndeshje. Kemi punuar gjatë kësaj jave dhe kemi analizuar kundërshtarin. E dimë se nuk do të jetë një ndeshje e lehtë, si çdo ndeshje tjetër që nuk është e lehtë ne duhet ta japim maksimumin secili nga vetja dhe shpresojmë secili se nga kjo ndeshje do të dalim fitues’’ deklaroi futbollisti Adenis Shala.
Duke marrë para sysh se ekipi vinë nga një disfatë në gjysmëfinalen e Kupës nga ekipi i Struga Trim Lum, futbollisti Adenis Shala thotë se asnjë humbje nuk është e mirë.
‘’Normalisht se asnjë humbje nuk është e mirë sepse ne ishim duke avancuar pastaj Struga na kthej rezultatin, mirëpo kjo te skuadra nuk duhet të ndikoj aspak keq sepse ne jemi në një moment shumë mirë dhe ne duhet të mendojmë vetëm t arrijmë objektivin që e kemi dhe duhet të mendojmë vetëm përpara“ tha futbollisti Shala.
Skuadra e Rabotniçkit e cila akoma shpreson për titullin kampion do të përballet pikërisht me kampionin në fuqi Struga Trim Lum që ishte e shkëlqyeshme në dy duelet e fundit kundër Pelisterit dhe Shkëndijës.
Në Kratovë skuadra e Sileksit që aktualisht mbanë pozitën e dytë në tabelë do të përballet me klubin e futbollit Besa të Dobërdollit ekip e cila primare e ka të siguron ekzistencën. Ndeshje interesante pritet edhe Manastir dhe Shkup ku përballen Pelisteri – AP Brera dhe Vardari – Tikveshi. Të gjitha ndeshjet luhen nesër me fillim në ora 16:00m takohen: Sileksi – Besa, Gostivari – Shkupi, Pelisteri – AP Brera, Shkëndija – Voska Sporti, Rabotniçki – Struga Trim Lum dhe Vardari – Tikveshi
About Author
