Shaban Sinani
Shtatë fitore të skuadrave vedase dhe dy e atyre mysafire është epilogu i ndeshjeve të xhiros së 30-të në Euroligën e basketbollit në kategorinë e meshkujve . Katër xhiro para përfundimit gjashtë skuadra tanimë kanë siguruar kualifikim në fazën e play off-it si Olimpiakos, Fenerbahçe, Panathinaikos, Monako, Barcelona dhe Crvena Zvezda. Tabelën e kryeson Olympiacos me 22 fitore e 8 disfata para Fenerbahçes që ka 20 fitore e 10 humbje dhe Panathinaikos me 19 fitore e 11 disfata.
Olympiacos ruan kreun e renditjes së Euroleague edhe pse u mund 81-73 në Athinë nga Crvena Zvezda.
Ndeshja ishte e vlefshme për javën e 30-të të sezonit të rregullt.
Nuk përfiton nga kjo humbje skuadra e Fenerbahce, që gjithashtu u mund. Turqit humbën 91-82 ndaj Monaco, duke qëndruar në vendin e dytë, ndërkohë që francezët konsolidojnë vendin e katërt.
E vetmja nga ekipet e kreut që fitoi është Panathinaikos, që mundi 91-81 Alba Berlin, duke qëndruar në vendin e tretë. Në këtë raund fitojnë edhe Real Madrid e Barcelona.
Katalanasit ngjiten në vendin e pestë, ndërsa madrilenët hyjnë në zonën play out. Zhgënjejnë ekipet italiane, që u mundën dhe kanë dalë të dyja nga zona play out.
REzultatet e raundit të 30-të
Paris Basketball – Armani Milano, 92-79
Olympiacos – Crvena Zvezda, 73-81
Monaco – Fenerbahce, 91-82
Maccabi Tel Aviv – Virtus Bologna, 77-67
Baskonia Gasteiz – Bayern Munich, 112-89
Real Madrid – Villeurbanne, 81-70
Panathinaikos – Alba Berlin, 91-81
Barcelona – Zalgiris Kaunas, 82-70
Partizan Beograd – Anadolu Efes, 65-97
About Author
