Pesë fitore të skuadrave vendase dhe gjashtë të atyre mysafire është epilogu i 11-të ndeshjeve të zhvilluara sot në kampionatin amerikan të basketbollit NBA. Konferencën e Perëndimit vazhdon të kryeson Oklahoma e 33 fitore e 6 humbje, para ekipit Houston që ka 27 fitore e 12 humbje, ndërsa në Lindje kryeson Cleveland me 34 fitore e 5 humbje e ndjekur nga Boston që ka 28 fitore e 12 humbje
Tjetër humbje për kampionët e Boston, që sot u ndalën 110-97 nga Toronto. Një ndeshje me hope për Celtics, ku mungoi lojtari lider, ndërsa për kanadezët të gjithë titullarët realizuan mbi 10 pikë.
Humbet edhe skuadra e Denver, që në fushën e saj u mund 128-108 nga Houston. Jalen Green me 34 pikë ishte më i miri për miqtë. Pa probleme fiton ekipi i Milwaukee, që falë 30 pikëve të Lillard dhe 26 të Antetokounmpo, mundi 122-93 Orlando.
Te fitorja rikthehet ekipi i Lakers, që mundi 117-108 Miami. 34 pikët e Herro për miqtë mbetën për statistikë, ndërsa për kalifornianët tri lojtarë realizuan mbi 20 pikë (Hachimura 23, Davis e LeBron nga 22 pikë secili).
Fiton edhe ekipi tjetër i Los Anxhelos, ai i Clippers, që mundi thellë 126-67 Brooklyn (Leonard 23 pikë). Ndërsa skuadra e Golden State, falë 31 pikëve të Stephen Curry, mundi në sekondën e fundit 116-115 Minnesota.
Rezultatet e sotme
Philadelphia – Nju York, 119-125
Toronto – Boston, 110-97
Chicago – Atlanta, 94-110
Milwaukee – Orlando, 122-93
Nju Orleans – Dallas, 119-116
San Antonio – Memphis, 115-129
Denver – Houston, 108-128
Utah Jazz – Charlotte, 112-117
Minnesota – Golden State, 115-116
Lakers – Miami, 117-108
Clippers – Brooklyn, 126-67
About Author
