Viti i ri 2025 është vit kur duhet organizohen zgjedhje të rregullta Federatën e Futbollit të Maqedonisë përfshirë këtu edhe zgjedhjet në Lidhjet Futbollistike Komunale të cilët duhet të përcaktohen për njerëzit që do të përfaqësojnë ekipet në institucionin më të lartë të futbollit në vend.
Lidhja Futbollistike Komunale e Tetovës, ka caktuar Kuvendin e Rregullt zgjedhor për datën 18 janar, ndërsa sipas informacioneve nga kjo lidhje kandidat të mundshëm për postin kryetar të LGK Tetovë janë Mujdin Ismaili, kryetar aktual dhe Abdilmexhit Shaqiri përfaqësueses i KF Vëllazërimit të Sllatinës.
Abdilmexhit Shaqiri është një emër i njohur për klubet e futbollit të rajonit të Tetovës pasi edhe më parë ishte anëtar i Këshillit drejtues në LFK të Tetovës dhe në Ligën e tretë Perëndim. Abdilmexhit Shaqiri tha se nëse merë besimin kuvendarëve për kryetar i LFK Tetovë do të mbroj interesat e të gjitha klubeve pa përjashtim
‘’ Unë jam i deleguar nga KF Vëllazërimi nga Sllatina deh i përkrahur nga të gjitha klubet tjera që garojnë në Ligën e tretë dhe Ligën e katërt në rajonin që përfshinë nga Tetovë e deri në Jazhincë. Pra përkrahja e tyre ma mundësoi që të jem kandidat për kryetar i LFK-së Tetovë, por nëse unë zgjidhem do të jem përfaqësues i denjë i të gjitha klubeve anëtare të LFK të Tetovës pa marrë para sysh se në cilin rang garojnë s’’ tha Abdilemexhit Shaqiri kandidat për kryetar i LFK Tetovë
Qëllimi kryesor që Abdilmexhit Shaqiri ka pranuar kandidaturën për kryetar të LFK Tetovë pos tjerash është edhe kthimi i dinjitetit të futbollit tetovar.
‘’Unë kam qenë si aktivist i vjetër prej vitit 2002, që përkrahur Këshillin koordinues pasi dihet se mbledhja në fshatin Sllatinë ishte vendimtare ku u sollën vendimet për përfaqësim të drejtë në të gjitha organet e FFM-së, për çka edhe ia arritëm pikërisht në momentet më të vështira por këmbëngulësia jonë dha rezultatet që edhe sot e kësaj dite po i gëzojmë.. Shqiptarët janë të përfaqësuar denjësisht në të gjitha organet e FFM-së. Krejt kjo fal themelimit të Këshillit koordinues për klubet e futbollit shqiptarë këtu në Maqedoni nga viti 2002 e deri më sot. Prandaj premtoj se gjithmonë do t’ju përmbahem këtyre organet e FFM-s bazuar edhe në rregulloren e këtij Këshilli” tha Abdilmexhit Shaqiri kandidat për kryetar të LFK Tetovë
Kujtojmë se zgjedhjet e rregullta në Federatën e Futbollit Maqedonisë do të zhvillohen në mars të këtij viti me delegatët e ri të propozuar nga Lidhjet Futbollistike Komunale, ndërsa kandidat i vetë për kryetar është Masar Omeragiq i cili u zgjodh në Kuvendin e jashtëzakonshëm të 22 dhjetorit 2024.
Kuvendi i Rregullt zgjedhor i LFK të Tetovës do të mbahet më 18 janar në ora 18:00 na hapësirat e Komunës së Bogovinës (Ish Komuna e Kamjanit)
About Author
