Shaban Sinani
Reprezentacioni i Maqedonisë Veriut edhe gjatë ditë së martë ka punuar sipas plan programit të hartuar nga seleksionuesi Milevski duke zhvilluar seancë të rregullt stërvitore që ekipi të jetë sa më i përgatitur për ndeshjen e së shtunës kundër Ishujve Faroe në transfertë dhe pas tre ditëve më 10 shtator edhe kundër Armenisë këtu në Shkup të vlefshme për edicionin e katërt të UEFA Liga e Kombeve.
Në mesin futbollistëve të përfaqësueses tonë vërehet një optimizëm i theksuar që ka ndikuar edhe në atmosferën e nivelit të lartë . Mesfushori i reprezentacionit Isnik Alimi futbollist mi skuadrës rumune Sepsi, shpreson se me përgatitje të mira dhe angazhim maksimal mund të nxjerrin rezultate që dëshirojnë do të ketë edhe rezultat të mirë
“Duhet me e përgatit ndeshjen që kur të shkojmë atje, kur të filloje ndeshja të jemi gati, ti dimë qëllimet tona, ta dimë planin tonë dhe kur të filloje ndeshja ta zbatojmë një qind për qind dhe të arrijmë qëllimin tonë që është tre pikët sepse çdo pikë është e vlefshme dhe neve na duhet fitorja, na duhen tre pikët sepse objektivi ynë është të jemi në vend të parë në grup”, deklaroi futbollisti Isnik Alimi
Sa i përket formë aktuale të futbollistëve , Isnik Alimi thotë se tani është fillimi i sezonit në të gjitha kampionatet e vendeve evropiane që do të thotë se të gjithë ndihen të freskët dhe në formë të mirë
“Besoj që është normal që pas një viti çdo lojtar ka ngarkesë, ka lodhjet e veta pas një viti tek klubet e tyre, me reprezentacionin edhe është vështirë në fund të vitit me qenë i freskët edhe mentalisht me qenë gati. Edhe ndeshjet në qershor janë ndeshje kontrolluese dhe kur nuk ke një objektiv të qartë. Ok edhe ato ndeshje janë për të fitua sepse luan për Maqedoninë që është ok, Por tani në Ligën e Kombeve kur ti luan për një objektiv më të qartë për të dal i pari në grup edhe kur ke me humb diçka unë mendoj se është më ndryshe. Dhe tash është fillimi i sezonit djemtë janë më të freskët , janë gati për me dhënë më të mirën . Është fillimi i sezonit dhe besoj që kjo do na ndihmoje më shumë” tha ai
Ekspedita e Maqedonisë së Veriut ku janë pjesë anëtar të Këshillit Drejtues të FFM-së, stafi i seleksionuesve, futbollistët, stafi përcjellës dhe gazetarë sportiv drejtë ishujve Faroe do të udhëtojnë të enjten në mesditë. Ndërsa ndeshja zhvillohet të shtunën me fillim në ora 15:00
About Author
