Afati kalimtar i dimrit nuk është me ritme të larta sikurse ai veror, por edhe në këtë drita transferimesh, klubet mundohen të bëjnë përmirësime në skuadrat e tyre.
Në kampionatet më të mëdha, afati kalimtar dimëror do të jetë i hapur deri më 1 shkurt. Disa lojtarë me emër janë në fundin e kontratave dhe që tani mund të nënshkruajnë me klube të reja.
Ky afat kalimtar ka nisur me disa transferime interesante dhe pritet të mbyllet po ashtu.
Telegrafi deri në mbylljen e afatit kalimtar të janarit do t’ju mbajë të informuar për të gjitha transferimet kryesore që ndodhin.
Eric Dier arrin për teste mjekësore te Bayern Munichu
Eric Dier ka arritur në Gjermani për të kryer testet mjekësore para transferimit nga Tottenham Hotspur te Bayern Munich.
Klubet tashmë kanë arritur marrëveshje, ashtu sikurse edhe Bayerni me lojtarin.
Zyrtarizimi i anglezit pritet të vijë sot (e enjte) gjatë ditës.
Emri i Kylian Mbappes vazhdon të lidhet në çdo afat kalimtar rreth një transferimi të mundshëm te Real Madridi.
Tani kur sulmuesit francez i kanë mbetur vetëm edhe gjashtë muaj kontratë me PSG, lajmet për të ardhmen e tij veçse janë intensifikuar.
Thashethemeve për transferimin e Mbappes në Santiago Bernabeu nuk i ka shpëtuar as presidenti i Los Blancos, Florentino Perez.
Arsenali është në kërkim të një sulmuesi ‘vdekjeprurës’ në afatin kalimtar të janarit dhe thuhet se kanë paraqitur një ofertë për një nga lojtarët më klinikë në La Liga këtë sezon, Borja Mayoral të Getafes.
Vetëm Jude Bellingham (13) ka shënuar më shumë gola sesa Mayoral, i cili ka 12 gola deri më tani këtë sezon në vetëm 19 paraqitje në La Liga.
26-vjeçari ka 15 kontribute golash në 22 ndeshje në përgjithësi, dhe forma e tij ka qenë thelbësore në shtytjen e Getafes drejt një vendi në garat evropiane këtë sezon.
Bayern Munich ka vendosur të mos nënshkruajë me mesfushorin e Fulham, Palhinha në afatin kalimtar të janarit, sipas gazetarit Florian Plettenberg .
Një nga arsyet pse Bayern ka zgjedhur kundër nënshkrimit të mesfushorit është vlera e tij e lartë e transferimit, e cila është 50 milionë euro.
Gjigantët e Bundesligës janë aktualisht të fokusuar në nënshkrimin e një qendërmbrojtësi dhe Eric Dier shihet si opsion më real.
About Author
