Gruevski i vogël – Mickoski nuk di asgjë tjetër përveç bllokadave, thuhet në komunikatën e LSDM-së. Ata theksojnë se duke bllokuar rrugën evropiane të vendit, Mickoski po vazhdon politikën e paraardhësit të tij, i cili e mbajti vendin në izolim për 11 vjet, jashtë BE-së dhe NATO-s.
– Gruevski i vogël u ofron qytetarëve pasiguri dhe të ardhme të pasigurt në vend të ardhmërisë evropiane dhe vlerave evropiane, paga dhe pensione më të larta, qasje në tregun evropian prej 500 milionë banorësh dhe fonde evropiane.
Tani që kemi një shans historik për anëtarësim në BE deri në vitin 2030, duhet të mposhten bllokadat e DPMNE-së, thuhet në deklaratën e partisë së LSDM-së.
Duke komentuar qëndrimin e liderit të VMRO-DPMNE-së se “ndoshta Frojdi ndikon në Kovaçevski, kështu që ai mund të frustrohet nga gjërat e vogla”, kryeministri tha dje se problemet e vendit tonë janë shumë më pak të natyrës psikoterapeutike, ato janë më shumë probleme të “natyrës gastroenterohepatologjike”.
– E kam parë deklaratën e kryetarit të VMRO-DPMNE-së, në të cilën përmend autorë nga fusha e psikoterapisë. Besoj se problemet e vendit tonë janë shumë më pak të karakterit psikoterapeutik, janë më shumë probleme të natyrës gastroenterohepatologjike, duke marrë parasysh bllokimet që VMRO-DPMNE bën në Kuvend dhe në marrjen e vendimeve për integrimin e qytetarëve tanë dhe vendit tonë në BE-ja tha Kovaçevski nga Grenada.
About Author
