Drejtori i NP Rrugët Shtetërore Ejup Rustemi gjatë ditës së sotme paralajmëroi se pjesë e autostradës Shkup-Tetovë, përtkatësisht 13 km të këtij aksi rrugor që është pjesë e Korridorit 8 do të rehabilitohen tërësisht.
“Vazhdojmë me aktivitete ndërtimore në infrastrukturën rrugore në tërë vendin! Sot së bashku me zëvendëskryeministrin e parë të Qeverisë së RMV-së Artan Grubin, ministrin e Transportit dhe Lidhjeve, Bllagoj Boçvarski dhe zëvendesin e tij Bekim Rexhepi inspektuam rrjedhën e aktiviteteve ndërtimore të cilat po zhvillohen për riparimin dhe rehabilitimin e rrugës shtetërore A2, të korridorit 8 përkatësisht segmenti Shkup – Tetovë. Në këtë fazë po punohet në të dy korsitë, në gjatësi prej 13 kilometra. Aktivitetet ndërtimore janë pjesë e Programit vjetor të NPRRSH-së, për të cilat janë ndarë mjete nga buxheti i Ndërmarrjes në vlerë prej 470 milion denarë, deklaroi drejtori Rustemi. Ai potencoi se njëkowsisht punohet nw disa projekte në këtë pjesë të vendit. Gjatë ditës kanë isnpektuar punimet për vendosjen e barrierave ndaj zërrit në aksin rrugor Shkup-Tetovë, në afërsi të Komunës së Sarajit. “Këto barriera ndaj zërrit në gjatësi prej 1,65 km do të mundësojnë një jetë më cilësore për qytetarët të vendbanimeve përreth autostradës, tha drejtori Rustemi.
About Author
