Ushtarë nga Maqedonia e Veriut, SHBA-të, Mbretëria e Bashkuar, Franca, Italia, Spanja, Shqipëria, Mali i Zi dhe Greqia dëshmuan gatishmërinë kolektive dhe interoperabilitet të përkryer duke dërguar mesazhin se me NATO-n nuk jemi vetëm. Këshu deklaroi Ministrja e Mbrojtjes së Maqedonisë së Veriut në fjalimin e saj me rastin e Ditës për Mysafirë të Lartë në kuadër të manovrës ushtarake “Përgjigje e Shpejtë” që mbahet në poligonin ushtarak në Krivollak.
Slavjanka Petrovska: Atë që pamë sot nuk ishte një demostrim i forcës ushtarake, por demostrim i unitetit dhe aleancës sonë. Trajnimin në qendrën “Krivollak” të vazhdojmë ta zhvillojmë konform nevojës për stërvitje dhe trajnime të armatës sonë, por do të ofrojë dhe segmente specifike për aleatët dhe partnerët tanë strategjik.
Në këtë stërvitje ushtarake janë kyçur thuajse 10.000 ushtarë nga armatët e aleatëve të NATO-s.
Peter Endrusiak: Kjo është stërvitja më e madhe nga pesë të tjerët të ngjashme. Stërvitjet sikurse “Përgjigja e shpejtë 22” kanë një rëndësi vitale për gatishmërinë tonë të përbashkët dhe suksesi nuk mund të arrihet pa partneritetin me aleatët tanë besnik të NATO-s.
Stërvitja ushtarake “Përgjigja e Shpejtë 22” është manovra më e madhe multinacionale e këtij lloji në Maqedoninë e Veriut dhe vetmja që nga pavarësimi i vendit, ku janë realizuar desante ajrore të këtij niveli./Klan Macedonia
About Author
