Forcat e armatosura të Ukrainës kanë thënë se trupat ruse vazhdojnë të kryejnë akte të paligjshme kundër popullsisë vendase në Zaporizhzhia në juglindje të Ukrainës dhe Kherson në jug.
“Rusia vazhdon të dërgojë trupa në Ukrainë. Forcat ruse vazhdojnë të bastisin shtëpitë e banorëve lokalë, të arrestojnë aktivistë pro-ukrainas dhe zyrtarë qeveritarë”, thuhet në deklaratën e zyrtarëve ukrainas.
Deklarata vjen pas një “premtimi” rus në bisedimet e paqes në Stamboll të martën për të “ulur në mënyrë drastike” operacionet ushtarake rreth Kievit, shkruan abcnews.al.
Zhvillimet e fundit të luftës Rusi-Ukrainë
Forcat ruse kanë sulmuar në orët e para të mëngjesit, një tjetër qytet të Ukrainës, Lysychansk, sipas skynews. “Janë dëmtuar shumë ndërtesa, ndërkohë ende nuk ka të raportuar për viktima,” tha guvernatori rajonal i Luhansk, Serhiy Gaidai. “Shumë ndërtesa të tjera janë shkatërruar. Ekipet e shpëtimit po përpiqen të shpëtojnë personat që kanë mbetur në rrënoja.”
Ministria e Mbrojtjes e Mbretërisë së Bashkuar tha se njësitë ruse po detyrohen të kthehen në Rusi dhe Bjellorusi për t’u riorganizuar dhe rifurnizuar dhe paralajmëroi se reduktimi i forcave në terren mund të nënkuptojë më shumë sulme raketore.
Presidenti ukrainas Volodymyr Zelensky tha se bisedimet e së martës, në të cilat, Rusia tha se do të zvogëlonte operacionet pranë Kievit dhe Chernihiv -treguan disa shenja pozitive, por ato nuk i ndalën shpërthimet e predhave ruse.
Premtimi rus është pritur me skepticizëm nga shumë njerëz, me presidentin e SHBA-së Joe Biden që tha se ai nuk po e lexonte atë derisa të shihte se cilat janë veprimet e tyre dhe liderët evropianë i bëjnë thirrje Perëndimit të mos heqë rojet.
/abcnews.al/
About Author
