Qendra për gjuhë të huaja, kurse përgatitore dhe trajnime “FLUENT” në Tetovë me rastin e përvjetorit të dhjetë jubilar, do të realizojë gara në gjuhën angleze nën moton “Motivatorë të të folurit Fluent”. Garat e gjuhës angleze do të mbahen më datë 26 mars 2022. Tashmë të gjitha shkollat kanë përzgjedhur nga dy kandidat të cilët do t’i provojë aftësitë e tyre në të folurit në anglisht.
Secila shkollë ka pasur të drejtë të emërojë dy nxënësit më të mirë të saj, sipas kritereve dhe metodologjisë që vetë ata e kanë përzgjedhur të cilët duhet të jenë nga cikli i lartë i shkollimit fillor (respektivisht nxënës të klasave VII, VIII ose IX). Pjesëmarrja në garë është falas dhe nuk paguhet asnjë lloj kuotizimi!
Pavarësisht situatës me pandeminë, tendenca jonë do të jetë e atillë që të respektohen të gjitha masat mbrojtëse të rekomanduara nga institucionet gjegjëse, ndërkaq testimet do të realizohen me prezencë fizike, në hapësirat e Qendrës “Fluent” në Tetovë bën të ditur drejtuesit e kësaj qendre.
Vendet e para do të shpërblehen me shpërblime të cilat i ndan organizatori, edhe atë: laptop, tabletë, orë të mençur, kurse falas dhe shpërblime të tjera.
About Author
