Mund të pritet presidenti francez Emanuel Makron të ndërmarrë hapa për lehtësim të dialogut ndërmjet Shkupit dhe Sofjes, të ndërmarrë nisma për lëvizje të punëve, deklaroi në intervistë për “360 shkallë” Ambasadori i Francez në vendin tone, Siril Bomgartner.
Ai nuk ka folur se për çfarë biseda konkrete bëhet fjalë, por potencon se fillimi i negociatave ndërmjet BE-së dhe Maqedonisë së Veriut është diçka që të gjithë e dëshirojnë.
“Mendoj se çështja juaj e ardhshme do të jetë – për çka punohet më saktë në tërësi, por do të qëndroja i matur, sepse më e rëndësishme është të jemi efikas, të kemi aktivitete që do të mundësojnë zhbllokim të procesit dhe të arrihet ai rezultat, të cilin të gjithë sot e dëshirojnë, ndërsa ai është zgjidhja e gjendjes sa më shpejtë që mundet që të fillojnë negociatat për anëtarësim në BE. Kjo do të thotë se nuk gjendemi në fazën e komunikimit publik, por në fazën e mobilizimit, ndërsa që të rriten shanset për sukses ndonjëherë duhet të jemi shumë diskret, sepse më e rëndësishme është të jemi të bindshëm dhe të kemi qasje racionale e cila në fund do të na e sjellë rezultatin e dëshiruar”, thotë Bomgartner.
Në lidhje me gjuhën, theksoi se në Maqedoninë e Veriut flitet në gjuhën maqedonase dhe se nuk ka kurrfarë dilema në lidhje me këtë.
“Askush nuk mund t’ua imponojë të dy vendeve të miratojnë diçka që nuk do t’u përgjigjet dhe që do të kërkojë zhvendosje nga linjat e kuqe. Në suaza të atyre paramentrave duhet të përparohet, të gjendet zgjidhje, ndërsa pasi të arrihet kjo, duhet të dakordohemi për kornizën negociuese, e cila do të mundësojë hapje të negociatave për anëtarësim, pa zvarritje”, theksoi Bomgartner.
Franca nga 1 janari e ndërmerr kryesimin me BE-në, ndërsa Bomgartner thotë se qershori është afati përfundimar, por megjithatë qëllimi është negociatat me Maqedoninë e Veriut të fillojnë më herët.
Duke përkujtuar se Franca do të ketë zgjedhje presidenciale në prill dhe parlamentare në fillim të qershorit, përmendi se mundësitë për veprim të Parisit gjatë zgjedhjeve do të jenë të kufizuara, sepse “do të gjendemi në një periudhë në të cilën jemi të obliguar në rezerva”.
Në intervistë për “360 shkallë” ai përmendi se nuk bëhet fjalë për konferencë në të cilën do të flitet vetëm për Maqedoninë e Veriut dhe Shqipërinë, por fokusi do të jetë në një kontekst rajonal më të gjërë, në tema të cilat e nxisin interesin evropian për rajonin dhe i përfshijnë ndoshta edhe çështjet për zgjerim.
About Author
