Zgjedhjet e rrethit të dytë mbaruan me një proces demokratik, me zgjedhje të lira si kurrë më parë.
Natyrisht se ato patën edhe surprizat e veta por njëkohësisht edhe mënyrën se si duhet tashmë gjithë subjektet politike të bëjnë analizat se ku ata fituan dhe ku dështuan shkruan TetovaSot .
Në vijë të kësaj zgjedhjet lokale edhe kësaj rradhe nxorrën BDI-në fituese me dhjetë Komuna ndonëse humbën qytetin e Tetovës por rikthyen disa komuna tjera .Tek pala maqedonase ishte VMRO ajo që fitoi më së shumti komuna dhe njëherit ishte edhe fituese në kampin maqedonas në një koalicion edhe me partitë shqiptare ASH dhe AAA.
Humbësit më të mëdhenj ishin LSDM e Zoran Zaevit, i cili menjëherë pas rezultateve mbrëmë vonë dha dorëheqje nga të gjitha funksionet edhe ai i kryeministrit por edhe i vetë kreut të partisë.Tek pala shqiptare humbëse më e madhe ishte Aleanca për Shqiptarët që fituan po të njëjtat komuna që kishin më parë por dështuan në nivel të përgjithshëm në një rënie drastike .
Partia e Bilall Kasamit ishte surpriza e këtyre zgjedhjeve.Ajo tashmë përmes liderit Bilall Kasami me një koalicion të madh arritën të përmbysin rezultatin e kandidates së BDI-së në rrethin e parë.
Ata do udhëheqin edhe me Komunën e Zhelinës në katër vitet e ardhshme.
Por marrë në përgjithësi këto zgjedhje, që ishin shumë korrekte tek pala shqiptare edhe kësaj rradhe nuk ka të paktën deri tani një përgjegjësi politike pasi lideri i opozitës akoma nuk ka dalë të kumtojë asgjë publikisht , madje as për pozicionin e tij të ardhshëm në parti nëse do qëndrojë akoma apo edhe ai do ketë fatin e Zaevit.
Rezultatet e zgjedhjeve përmes votave nëse do kishte tani zgjedhje të parakohshme Parlamentare ,fituese absolute i bëjnë BDI-në në kampin shqiptarë dhe VMRO-në në atë maqedonas.
About Author
