Në ambientet e Fondit për Sigurim shëndetësor, realizuam edhe një takim të suksesshëm koordinativ me drejtorët dhe udhëheqësit e reparteve për sëmundje të syrit (oftalmologjike) nga Klinika Universitare për Sëmundje të Syrit, Spitali klinik Tetovë, Spitali klinik Shtip, Spitali klinik Manastir, Spitali i Përgjithshëm 8 Shtatori, Spitali i përgjithshëm Ohër dhe Spitali i përgjithshëm Prilep, si dhe përfaqësues nga Drejtoria për Shëndetësi elektronike ka shkruar ne rrjetin social Facebook Faton ahmeti drejtor i FSSH, transmeton Info7.mk Në takim u dakorduam rreth ofrimit të numrit sa më të madh të shërbimeve siç janë: aplikimi i terapisë anti VGEF, kirurgjia e kataraktës dhe vitrektomia, sa më afër qytetarëve të vendit, pa pasur nevojë që të udhëtojnë deri në Klinikën për sëmundje të syrit në Shkup. Fondi për Sigurim Shëndetësor, Ministira e Shëndetësisë, dhe Klinika Universitare për Sëmundje të Syrit, do të jenë në shërbim të spitaleve për t’ia arritur këto objektiva. Sapo të arrijmë kapacitetet e projektuara në institucionet e lartëpërmendura, do të vazhdojmë me rritjen e kapaciteteve, duke i përfshirë edhe spitalet nga qytetet tjera. Disperzimi i kapaciteteve profesionale i institucioneve shëndetësore është mënyra e duhur për të lehtësuar rrugën e ofrimit të shërbimeve në nivel të lartë, me çka do të shkurtojmë kohën e pritjes. Bashkë vazhdojmë të ndërtojmë shëndetësi moderne dhe cilësore për qytetarët tanë.
About Author
