Barcelona ka fituar 4-0 ndaj Borrusia Dortmundin në ndeshjen e parë në çerekfinalet e Ligës së Kampionëve . Një dominim total i katalanasve nga fillimi në fund të ndeshjes.
Vendasit zhbllokuan rezultatin falë Cubarsit, në minutën e 25-të, edhe pse goli iu quajt Rafinja-s, pasi ishte braziliani që e preku para se të shkonte në rrjetë. Barcelona edhe pjesën e dytë e nisi me gola, kësaj radhe në skenë doli Levandovski i cili realizoi dy gola në minutën e 48 dhe 66-të duke regjistruar rekord të ri me 11 gola deri më tani në garat e Ligës së Kampionëve . Golin e katërt për rezultatin përfundimtar të këtij takimi e realizoi Lamine Yamal
Në sfidën tjetër kampioni i Francës Paris Sent Zhermen mundi Aston Vilën me rezultatin e ngushtë 3-1 edhe pse të parët në epërsi kaluan anglezët. Me këtë fitore skuadra franceze është më pranë kualifikimit në gjysmëfinale të Ligës së Kampionëve.
Ndeshjet kthyese Borussia Dortmund – Barcelona dhe Aston Vila – PSZH do të zhvillohen më 15 prill me fillim në mora 21:00
About Author
