Shaban Sinani
Shkëndija e Tetovës në përballjen me ekipin AP Brera të Strumicës regjistroi fitoren e 15 sezonale duke fituar me rezultatin e ngushtë 2-1. Fjalën kryesore në këtë përballje e kishte golashënuesi më i mirë në historinë e futbollit të Maqedonisë dhe të Shkëndijës Besart Ibraimi i cili shënoi 2 gola për tre pikë të reja që çojnë ekipin drejt titullit të pestë kampion i Maqedonisë së Veriut. Trajneri Jeton Beqiri pas përfundimit të ndeshjes duke u bazuar në rezultate e ndeshjeve tjera theksoi se ekipi të jetë më në nivel
“Unë pres që ekipi të jetë me kalimin e kohës edhe më mirë fizikisht edhe besoj që do jemi aq vigjilent dhe të mençur që të menaxhojmë situatën deri në fund ashtu si duhet’’ deklaroi Jeton Beqiri.
Ndërkohë me një komunikatë zyrtare të klubit thuhet: ‘’Klubi i futbollit Shkëndija respekton viktimat dhe distancohet nga sjelljet e papërgjegjshme të një grupi të tifozëve distancohet nga sjellja e një grupi të caktuar individësh nuk pasqyron qëndrimin e tifo-grupit, i cili aktualisht është në proces riorganizimi, dhe as të pjesës tjetër të publikut, që në atë moment reagoi me fishkëllima për të shprehur pakënaqësinë ndaj atyre që këndonin”, thuhet pos tjerash në komunikat.
Nga ana tjetër për sjelljet një grupi të tifozëve që nuk e respektuan heshtjen dedikuar viktimave nga tragjedia e Koçanit, Federata e Futbollit e Maqedonisë ka hapur procedurë disiplinore ndaj Shkëndijës. Sipas FFM-së kjo vjen për shkak të sjelljes jo njerëzore të tifozëve dhe mosrespektimit të minutës së heshtjes në nder të viktimave në Koçani.
Çka të thuhet për rezultatet e ndeshjeve tjera ku vërtet janë befasuese sidomos fitorja e Voska Sport në transfertën me Gostivarin në Maxhari, kur dihet se skuadra vendase ishte njëra nga ekipet pretendente për titullin kampion, ndërsa pas kësaj disfate titulli mbetet vetëm një dëshirë e pa realizuar. Edhe pretendenti tjetër për kreun e tabelës Sileksi ka zhgënjyer tifozët e vet duke barazuar me Tikveshin. Ndeshja Rabotniçki – Besa ishte e barabartë por një penalti vendosi që tre pikët të mbeten në Shkup, ndërsa ekipi nga Dobërdolli vazhdon të mbetet në situatë të vështirë për siguruar mbijetesën. Struga Trim Lum edhe në përballjen me ekipin Shkupi dëshmoi se nuk është në formën e vetë të duhur pasi luajti vetëm me barazim pa gola. Pelisteri që në disa ndeshje të fundit ishte mjaft e suksesshme por në përballjen e së shtunës dështoi kundër Vardarit duke zhgënjyer tifozët e vetë. Pas javës së 25-të Shkëndija me 53 pikë, Sileksi me 48 dhe Rabotniçki me 48 pikë mbeten tre kandidatët më serioz për titullin kampion, ndëras mbijetesa do të diskutohet mes ekipeve Tikveshi e AP Brera që kanë nga 22 pikë dhe Voska Sport e Besa e Dobërdollit që kanë nga 21 pikë. Deri në fund të kampionatit në Ligën e parë kanë mbetur edhe tetë xhiro, ndërsa kampionati përfundon me ndeshjet e xhiros së 33-të më 18 maj.
About Author
