Shaban Sinani
Liga e dytë java e 21-të e cila u anulua javën e kaluar shkaku i tragjedisë në Koçani do të zhvillohet të hënën më 24 mars me fillim në ora 15:00, Ky është vendim I Federatës së Futbollit të Maqedonisë së Veriut.
Në javën e 21-të ka disa ndeshje interesante që tërheqin vëmendjen e opinionit futboll dashes. Kështu që në stadiumin e Bashkimit në Kumanovë skuadra vendase KF Bashkimi 1947 është nikoqire e klubit të futbollit Vardari të Negotinës. Kjo ndeshje vinë pas 4 fitoreve radhazi, dhe duke ditur pretendimet e klubit pritet fitorja e pestë radhazi që të mbajnë hapin me Makedonija Gj.P për pozitën e parë në renditjen e tabelës . Shpresojmë se Bashkimi me përkrahjen e tifozëve të flaktë do t’ia arrijë qëllimit.
Nga ana tjetër skuadra e Arsimit të Çegranit në stadiumin e qytetit në Gostivar nesër do të përballet me ekipin Kamenica Sasa ekipe e cila në pjesë pranverore ka shënuar disa rezultate të mira dhe aktualisht gjendet në pozitën e pestë me 32 pikë apo shtatë pike pakë se Arsimi që është pozitën e katërt. Drejtuesit e klubit të futbollit Arsimi ftojnë tifozët e tyre që të mbushim tribunat dhe t`u japim mbështetjen ekipit!
Në ndeshjet tjera të xhiros së 21-të takohen: Arsimi – Kamenica Sasa, Bashkimi – Vardari (Neg), Bellasica – Novaci, Boreci – Osogova, Bregallnica – Skopje, Detonit Plaçkovica – Kozhufi, Makedonija Gj.P – Vardarski dhe Ohri – Pobeda
TABELA : 1.Makedonija Gj.P 45 pikë, 2.Bashkimi 45, 3.Bregallnica 43, 4.Arsimi 39, 5.Sasa Kamenica 32, 6.Ohri 31, 7.Detonit PLaçkovica 30, 8.Skopje 30, 9.Kozhufi 30, 10.Bellasica 25, 11.Pobeda 21, 12.Novaci 20, 13.Vardari (Neg) 20, 14.Osogova 13, 15.Boreci 10, 16.Vardarski 8 pikë
Në xhiron e 22-të që do të zhvillohet më 29 mars (e shtunë), takohen: Skopje – Boreci, Kamenica Sasa – Bellasica, Kozhufi – Bregallnica, Novaci – Ohri, Osogova – Makedonija Gj.P, Pobeda – Bashkimi, Vardari (Neg) – Detonit Plaçkovica dhe Vardarski – Arsimi
About Author
