Seleksionuesi i përfaqësueses së Maqedonisë në futboll, Blagoja Milevski është shprehur i kënaqur me paraqitjen e ekipit të tij në fitoren 3-0 ndaj Lihtenshtajnit.
Në kohën kur të gjithë në Maqedoni janë të pikëlluar për tragjedinë e madhe në Koçan, futbollistët maqedonas u desh të luajnë një ndeshje të rëndësishme në Vaduz. Ne fituam, futbollistët në mënyrë rutinore bënë punën e tyre dhe trajneri është i kënaqur me atë që pa.
“Urime lojtarët e mi që mblodhën forcë dhe karakter dhe luajtën ndeshjen në këto rrethana. E analizuam me detaje Lihtenshtajnin, ndoqëm 7-8 ndeshjet e tyre, veçanërisht barazimin në Bukuresht ndaj Rumanisë. Ishim të përgatitur maksimalisht si taktikisht ashtu edhe fizikisht. Sinqerisht, diferenca nuk ishte e rëndësishme për ne, por tre pikët” deklaroi Milevski pas përfundimit dhe fitores kundër Lihtenshtajnit
“Në pjesën e parë e hoqa Serafimovin për shkak të kartonit të verdhë, kishim probleme edhe me lëndime si Isnik Alimi i cili mori një goditje në kyçin e dorës. Besoj se të gjithë do të jemi të shëndetshëm për ndeshjen e së martës. Na pret një ndeshje tjetër me një kundërshtar tjetër. Tashmë po mendojmë për Uellsin, mendoj se kjo do të jetë ndeshja jonë më e vështirë në kualifikuese.” tha Milevski
About Author
