Në punëtorinë e organizuar nga Renesansa në kuadër të projektit “Përforcimi ndërmarrjeve të vogla dhe të mesme përmes praktikave të qëndrueshme dhe transformimit digjital” u fol për hapat që duhet të ndërmarrin ndërmarrjet dhe vënia në funksion e një sistemi më bashkëkohor. Arben Halili, ekspert i ekonomisë theksoi se : teknologjia e informacionit dhe digjitalizimit ka potencial për nxitjen e zhvillimit ekonomik, që lidhet me përhapjen e fuqishme të internetit, me moshën e re të popullsisë, si dhe me dëshirën e madhe që kanë të rinjtë tanë të talentuar për të shkëlqyer në këtë fushë. “Ky sektor është duke u zhvilluar me një ritëm të shpejtë në nivel ndërkombëtar. Po të përpiqemi më shumë, edhe ne mund të përfshihemi në këtë treg global”, tha ai duke shtuar se zhvillimi i kësaj fushe lidhet drejtpërdrejt me zhvillimin e gjithëmbarshëm ekonomik të vendit.
Ajo që duhet bërë duke e parë ekonominë dhe nevojat e sektorit privat dhe disponueshmërinë e resurseve njerëzore që është kapitali më i madh, është fokusimi në transformimin digjital të gjithë sektorëve të ekonomisë, ku fjalën kryesore e ka teknologjia e informacionit. Sipas tij, këtë transformim digjital mund ta arrijmë dhe është një koncept modern i cili mund të adaptohet, ngase sot nuk mund të mendohet zhvillim i qëndrueshëm ekonomik pa zhvillimin e këtij sektori.
About Author
