Shaban Sinani
Vildan Saliju: Jemi shumë të motivuar që të paraqitemi në mënyrë dinjitoze para publikut tonë, po ashtu edhe vetëbesimi i lojtarëve është i shkëlqyer sigurisht fal edhe fitores
Kampionati 2024/2025 në futbollit vendor vazhdon të Ligën e dytë republikane në futbollin vendor vazhdon të shtunën me ndeshjet e xhiros së 17-të.
Padyshim se ndeshje derbi është dueli Makedonija Gj.P – Bashkimi, ndeshje kjo e cila ka rëndësi për të dyja ekipet meqë luftojnë kreun e tabelës dhe kualifikimin në elitën e futbollit vendor. Kumanovarët në Gjorçe Petrov do udhëtojnë pa flamur të bardh dhe me angazhim maksimal do të mundohen të nxjerrin më të mirën që munden.
Skuadra e Arsimit të Çegranit pas fitores shumë domethënëse kundër Bellasicës në Strumicë javën e kaluar , të shtunën në stadiumin e qytetit në Gostivar janë nikoqir të Ohrit dhe në këtë takim pos fitores së sigurt çdo rezultat tjetër do të ishte befasi. Pë takimin kundër Ohrit në Gostivar trajneri Vildan Saliju tha se jemi shumë të motivuar pasi është ndeshja e parë si vendas në sezonin pranveror.
“Për stinorin pranveror ndeshja e nesërme është e para në shtëpi, andaj jemi shumë të motivuar që të paraqitemi në mënyrë dinjitoze para publikut tonë, po ashtu edhe vetëbesimi i lojtarëve është i shkëlqyer sigurisht fal edhe fitores së rëndësishme në ndeshjen e parë kundër një ekipi me përvojë siç është Bellasica nga qyteti i Strumicës! Ne çmojmë se nuk ka kundërshtar të lehtë në këtë garë, andaj do futemi në ndeshje për të dhënë maksimumin që tre pikët e kësaj përballje do ngelin në konton tonë, sigurisht ekipi i Ohrit meriton respekt, por fitorja për ne është imperativ!” deklaroi trajneri Vildan Saliju
Të gjitha ndeshjet e javës së 17-të luhen të shtunën me fillim në ora 14:00, takohen: Arsimi – Ohri, Bellasica – Vardari, Boreci – Pobeda, Bregallnica – Novaci, Detonit Plaçkovica – Kamenica Sasa, Skopje – Osogova, Kozhufi –Vardarski dhe Makedonija Gj.P – Bashkimi
Tabela:1. Makedonija Gj.P 41 pikë, 2. Bregallnica 34, 3.Bashkimi 33, 4.Arsimi 32, 5.Detonit Plaçkovica 26, 6.Skopje 25, 7.Kamenica Sasa 25, 8.Ohri 24, 9.Kozhufi 23, 10.Novaci 19, 11.Bellasica 19, 12.Vardari (Neg) 17, 13. Pobeda 15, 14.Osogova 8, 15.Boreci 6, 16.Vardarski 5 pikë.
About Author
