Shaban Sinani
Klubi i futbollit Arsimi që ka një traditë mbi gjysmë shekulli në futboll, këtë kampionat me sukseset e arritura në sezonin vjeshtor janë shtuar apetitet që të mendojnë edhe për rangun më të lartë në futbollin vendor. Për këtë arsye se ekipi gjatë fazës përgatitore krahas intensitetit të lartë të punë kanë sjell edhe përforcime cilësore që janë garant për një sezon shumë më të mirë gjegjësisht të luftojnë për tre vendet e para në renditjen e tabelës. Këtë për televizionin Koha e deklaroi trajner i Vildan Saliju pas seancës së para fundit stërvitore për ndeshjen e së shtunës kundër Bellasicës në Strumicë
‘’Ne me stërvitjet kemi fillua ose me fazën përgatitore më 8 janar dhe realisht jemi të kënaqur me ecurinë me fazën përgatitore ku nuk kemi pasur lojtar të lënduar. Gjithashtu gjatë kësaj faze na kemi zhvilluar edhe katër ndeshje kontrolluese ku kemi marrë një fitbek për lojtarët për gjendjen e tyre fizike. Normal kemi bërë edhe disa gabime të cilat jemi munduar ti përmirësojmë ndeshje pas ndeshje. Mendojmë se jemi të përgatitur për ndeshjen kundër Bellasicës sigurisht këtu duhet shtuar edhe lojtarët të cilët na janë afruar si përforcime. Jemi shumë të kënaqur me angazhimin e tyre, disiplinën e tyre sepse të gjitha para kushtet janë për me dhënë maksimumin do të thotë se kryesia na mbështetë, në aspektin financiar jemi stabil me buxhet, me lojtar jemi super.’’deklaroi trajneri Vidan Saliju
Sa i përket pretendimeve të klubit për pjesën pranverore trajneri Saliju shprehet optimist se me punën e bërë, përforcimet dhe organizimin e mirëfilltë nga ana e kryesisë mund të shpresojnë në tre vendet e para.
‘’Po sigurisht se unë edhe në një televizion tjetër lokal e thash në fillim të vitit e thash se ekipin e kemi ndërtuar me bërë një ekip stabil d.m.th për katër vendet e para apo të pestë të jemi aty dhe ne këtë fakt jemi duke e arritur dhe tash me rezultate me angazhim, me disiplinë dhe seriozitet jemi brenda objektivave dhe tani kemi një shanë shumë të madhe dhe pse mos ta shfrytëzojmë. Do të tentojmë në maksimum me e kap vendin e dytë , po nëse jo të dytin atëherë mundet edhe të tretin që na çon në balotazh dhe besojmë në potencialin e ekipit që kemi me mbështetjen e kryesisë që kemi na ngelën vetëm ne të japim maksimumin ta respektojmë këtë fanelle, këtë emblemë që na peshon shumë mbi 52 vjet futboll aktiv dhe realisht Arsimi e meriton me qenë në Ligën e parë‘’ tha trajneri Saliju.
Në xhiron e 16 të Ligës së dytë takohen: Bashkimi – Boreci, Bellasica – Arsimi, Kamenica Sasa – Kozhufi, Novaci – Detonit Plaçkovica, Ohri – Makedonija Gj.P, Pobeda – Bregallnica, Vardari – Osogova dhe Vardarski – Skopje. Të gjitha ndeshjet luhen nesër me fillim në ora 14:00
About Author
