Pas 19 ditë në krye të klubit të futbollit Besa të Dobërdollit, trajneri Gorazd Mihaillov në rrjetin social fejsbuk të klubit me një deklarat publikisht falënderon familjen Tairi për besimin e dhënë duke premtuar se kjo skuadër edhe në kampionatin e ardhshëm do të garon në elitën e futbollit vendor. Në deklaratëne plotë të trajnerit Mihajllov thuhet:
“ Fillimisht falënderim për familjen Tairi për besimin e dhënë. E di në çfarë ambienti po vij, jam i vetëdijshëm për situatën në të cilën ndodhet Besa, por besoj në aftësitë dhe cilësitë e mia që i kam dëshmuar në të kaluarën dhe do të bëj gjithçka së bashku me kolegët e mi Ristov, Sadiki, Ramadani dhe Toisavljevic, së bashku me drejtorin sportiv Emini, që të përgatitemi mirë dhe në pjesën pranverore ta arrijmë qëllimin, e që është që Besa edhe sezonin e ardhshëm të garojë në Ligën e Parë të Maqedonisë. Pothuajse të gjithë lojtarët i njoh dhe me disa kam bashkëpunuar më parë. Është e rëndësishme që skuadra nga pjesa e parë është ruajtur dhe me 5-6 lojtarë të rinj ta plotësojmë ekipin dhe njëkohësisht ta freskojmë, në mënyrë që të jemi të gatshëm për sfidën. Me punë, disiplinë dhe përvojën që disponon ekipi, besoj se do të arrijmë sukses. Përsëri dua të theksoj se kam qenë në situata të ngjashme dhe nuk kam arsye për frikë, sepse besoj në këta lojtarë dhe në njerëzit që qëndrojnë pas projektit Besa dhe nuk do të dorëzohemi. Përkundrazi, do të luftojmë me të gjitha forcat që të kemi sukses”.
About Author
