Shaban Sinani
Klubi I futbollit Shkëndija është skuadra e parë e cila menjëherë pas festave të Vitit të Ri ka filluar me përgatitje për pjesën pranverore të kampionatit në Ligën e Parë që do të starton më 16 shkurt me ndeshjen e xhiros së 19-të ku do të jetë mysafire e Vardarit në Shkup. Në ditët e para të seancave stërvitore ekipi pos ekzaminimeve shëndetësore do të fokusohet në matjet fizike për futbollistët, të cilat kryhen në grupe para fillimit të stërvitjeve intensive. Ndërsa nga e shtuna, ekipi do të kalojë në ritëm të plotë me dy seanca stërvitore në ditë.
Sipas projektit të stafit teknik që drejtohet nga trajneri Jeton Beqiri,faza e parë e përgatitjeve do të zhvillohet në Tetovë, ku janë planifikuar dy ndeshje kontrolluese, ndërsa nga 25 janari deri më 8 shkurt, Shkëndija do të zhvendoset në Antalia të Turqisë, ku përveç stërvitjeve do të zhvillohen edhe katër ndeshje miqësore . Ndërkohë që në këtë fazë gjithësesi se do të ketë edhe lëvizje të ndomjë futbollisti qoftë ato që do vinë apo ato që do largohen. Por tani për tani nuk ka paralajmërim për ndonjë lëvizje eventuale.
About Author
