SHEFIT SHEFITI PËRFORCON BESËN E DOBËRDOLLIT
Shaban Sinani
Klubi I futbollit Besa e Dobërdollit me intensitet të shtuar është duke i bërë parapërgatitjet për fillimin e përgatitjeve për pjesën pranverore të kampionatit që pritet të fillojnë në javën e dytë të janarit.
Skuadra nga Dobërdolli pas angazhimit të shefit të ri të stafit teknik Boban Babunskit, drejtuesit klubit kanë angazhuar edhe sulmuesin 26 vjeçar të klubit të futbollit Arsimi të Çegranit, Shefit Shefitin ish futbollist i Shkëndijës, Renovës dhe Prishtinës. Lajmin për angazhimin e futbollistit Shefit Shefiti, drejtuesit e KF Besa e kanë publikuar në faqen zyrtare të fejsbukit ku thuhet: ‘’Me kënaqësi njoftojmë se Shefit Shefiti, sulmuesi i ri, është transferuar në skuadrën tonë! Pas eksperiencave brenda dhe jashtë vendit tone me skuadra si Shkëndija, Renova, Prishtina dhe së fundmi KF Arsimi, Shefiti sjell një potencial të madh në sulm dhe do të jetë një aset i rëndësishëm për lojën tonë këtë sezon. Ne si klub e mirëpresim dhe i dëshirojmë shëndet dhe suksese!.
Kujtojmë se klubi i futbollit Besa e Dobërdollit në pjesën vjeshtore të kampionatit ka regjistruar vetëm 3 fitore, 4 barazime dhe 11 disfata duke grumbulluar vetëm 13 pikë
About Author
