Shaban Sinani
Nesër me fillim në ora 11:00, në hapësirat e hotel Hilton në Shkup do të mbahet Kuvendi i jashtëzakonshëm i Federatës së Futbollit të Maqedonisë ku pritet të zgjidhet presidenti i ri .
Kandidat i vetëm për postin kryetar i FFM-së është Masar Omeragiq i propozuar nga Lidhja Futbollistike Komunale e Sveti Nikollës dhe i përkrahur edhe nga ana e disa Lidhje tjera futbollistike të tjera .
Kuvendi i jashtëzakonshëm i FFM-së u caktua pasi kryetari aktual Muamed Sejdini më 17 nëntor dha dorëheqje të parevokueshme nga posti kryetar i Federatës së Futbollit, dorëheqje e cila pritet të miratohet zyrtarisht në Kuvendin e nesërm nga ana e delegatëve të pranishëm. Ndryshe Muamed Sejdini nga viti 2013 deri në vitin 2018 ishte nënkryetar i FFM-së, ndërsa pas dorëheqjes së Ilço Gjorgjieski ai fillimisht u caktua ushtrues i detyrë, s ndërsa më pas Kuvendi i zgjodhi unanimisht president të FFM-s, mandati i të cilit skadonte në mars të vitit 2025. Sejdini do të mbahet mend si kryetar më i suksesshëm në historinë e futbollit të Maqedonisë pas pavarësisë.
Masar Omeragiq do të jetë kryetari shtatë me radhë nga pavarësia e Maqedonisë pas Alexo Kiprovski, Lubisav Ivanov – Xingo, Lambe Arnaudov , Haralampie Haxhi-Risteski , Ilço Gjorgjioski dhe Muamed Sejdini por ajo që duhet potencuar se të gjithë kryetarët deri më tani janë ndërruar para përfundimit të mandatit të rregullt dhe me skenar të njëjtë.
About Author
