Në nderim të jetës dhe veprës së mjeshtrit të mikrofonit, Milaim Krasniqi, Redaksia e Sportit të RTK Radios organizon një aktivitet përkujtimor me titullin domethënës: “Mili, ti je mes nesh…”.
Ky moment kujtese, i cili bashkon miqtë, kolegët dhe të gjithë ata që e çmuan pasionin dhe profesionalizmin e tij, do të mbahet të shtunën, më 14 dhjetor, në orën 12:00, në Pallatin e Rinisë dhe Sporteve në Prishtinë.
Pjesë e këtij aktiviteti do të jetë një ndeshje miqësore futbolli, që do të përballë ekipet e gazetarëve të RTK-së dhe RTSH-së – një simbol i bashkimit dhe miqësisë që Milaimi gjithmonë kultivoi përmes punës dhe shpirtit të tij sportiv.
Të gjithë miqtë dhe dashamirët e tij janë të mirëpritur që të jenë pjesë e këtij përkujtimi të veçantë, për të nderuar figurën e tij të paharruar dhe për të ndarë momente kujtese në frymën e sportit dhe solidaritetit.
Ju presim me respekt.
About Author
