Shaban Sinani
Dy fitore për ekipet vendase, dy barazime dhe dy fitore të ekipeve myysafire me 12 gola të shënuar dhe një kartonë kuq është epilogi i ndeshjeve të xhiros së 17 në Ligën e pare të futbollit vendor. Kryeson Shkëndija me 36 pikë e ndjekura nga Sileksi, Gostivari dhe Rabotniçki me nga 34 pikë
FC Shkupi ndali serinë e 5 humbjeve radhazi, duke mundur kampionin aktual, Struga Trim Lum me 3-1. Guaje, Asani nga penalltia dhe Stojanovskit siguruan 3 pikë për skuadrën nga Çairi.
Shkëndija morri tri pikë në terrenin e Voska Sportit falë golit të Florent Ramadanit, ndërsa nuk kishte fitues në mes Gostivarit dhe Sileksit, në duelin direkt për kreun e renditjes.
Rabotniçki mundi Brerën në Strumicë me 3-1, ndërsa Pelisteri minimalisht, 1-0, mundi Besën e Dobërdollit me një gol të dyshimtë që e shënoi Mirko Ivanovski. Vardari edhe kundë Tikveshit nuk arriti të shënon fitore pasi barazoi 1-1 që do të thotë se është në krizë të thellë të rezultateve.
Pas përfundimit të ndeshjes trajneri Jeton Beqiri vlerëson tre pikëshin, duke qëndruar në bindjen se ekipi ka hapësirë të përmirësohet vazhdimisht.
“Normalisht vlerë kanë vetëm tre pikët. Mua gjithmonë më pëlqen kur fitojmë pa gol të pranuar, pasi është një lloj stabiliteti. Nuk mund të flasim për futboll cilësore në kushte si këto të sotmet. Prandaj me rëndësi është që morëm tre pikët dhe vazhdojmë serinë e fitoreve”, deklaroi Beqiri.
Ndryshe ndeshjen e radhës Shkëndija e luan të dielën kundër Gostivarit.
Në ndeshjet e javës së 17-të u shënuan këto rezultate
Voska Sport – Shkëndija 0-1
Pelisteri – Besa 1-0
Shkupi – Struga Trim Lum 3-1
AP Brera – Rabotniçki 1-3
Gostivari – Sileksi 0-0
Vardari – Tikveshi 1-1
TABELA pas 17 ndeshjeve të zhvilluara
About Author
