Shkruan: Shaban Sinani
Sadije Aliti nderohet me çmim si poetja më e mirë në Festivalin ndërkombëtar të artit femëror organizuar në Üsküdar Üniversitesi Çarşı Yerleşke në Stamboll të Turqisë.
Aktiviteti i katërt i Festivalit ndërkombëtar i artit femëror ishte një veprimtari e bukur e cila u organizua për gratë që kanë realizuar vepra të suksesshme, tërhoqi vëmendjen e grave artdashëse por edhe të një audience më të gjerë. Arti është liria e mendimit. Arti ka një gjuhë të përbashkët universale që përfshin jetën e njeriut. Arti nuk ndahet nga jeta, ai vizaton foton e shoqërisë.Artistët janë të thellë në mendime sa janë një hije për artin, arti është liri mendimi, një strehë.
Në ceremoninë e ndarjes së çmimeve për gra të suksesshme në zhanre të ndryshme të artit ishte një atmosferë e bukur që bashkoi vlerat e artit për arritjet artistike dhe shpirtin artistik. “Jam krenare që isha pjesë në një aktivitet të tillë, është çast krenarie dhe lumturie të kesh fituar miqësinë e një festivali ndërkombëtar, kënaqësi të pranoja Çmimin e festivalit si poete më e mirë, është bukur të vlerësohesh dhe të nderohesh për punën që po bën, të nderohesh nga një festival ndërkombëtar, është gëzim të ndash të njëjtën skenë me shumë gra të suksesshme. Ishte shumë bukur te takoja gra që me punën e tyre kanë bërë histori suksesi që bartin çështje madhore në të cilën besojnë dhe te japin shpirtin për artin. Shpirti i njeriut duhet të jetë në anën e integritetit dhe unitetit, qëndrimi nuk duhet të ngryset. Duhet t’i përqafojë të gjitha”- tha Sadije Aliti.
Në kuadër të festivalit, u mbajtën edhe shumë fjalime, mes tjerash u theksua se gratë do të jenë më të forta së bashku, u mbajt edhe ceremonia e ndarjes së çmimeve për gratë që kanë realizuar vepra të suksesshme. Fjalën e hapjes së ceremonisë së ndarjes së çmimeve e mbajti pronari i Art Shop Vedat Akdamar, Rektori i Universitetit Üsküdar Prof. Nazife Güngör dhe Özlem Barlok nga ekipi organizativ. Ky festival ishte përgatitur nga një ekip i gjerë si Tamer Levent, Şenay Akdamar, Vedat Akdamar, Özlem Barlok dhe Mesut Şenol e aktiviteti është mbajtur në Universitetin e Üsküdarit, ishte përgatitur një festival i mrekullueshëm me shumë fytyra publike dhe persona të suksesshëm në profesionet e tyre. Në ceremoninë e ndarjes së çmimeve ndërkombëtare dhe kombëtare, u prezantuan edhe librat e rinj të botuar këtë vit. Artisti është një person që ka një fjalë për t’i thënë shoqërisë dhe ka përgjegjësi për shoqërinë ku jeton.
About Author
