Shaban Sinani
Reprezentacioni i Maqedonisë së Veriut në ndeshjen e pestë të segmentit C në Ligën e Kombeve, shënoi fitoren e katërt radhaz kësaj radhe në Arenën “Todor Proeski” – Shkup mundi Letoninë me rezultat minimal 1-0 .
Golin e vetëm për përfaqësuesen tonë e shënoi Serafimov në minutën e 57-të të ndeshjes. Ishte ky goli i parë për Serafimov në fanellën e reprezentacionit “A” të Maqedonisë.
Me këto tre pikë Maqedonia e Veriut me 13 pikë ka siguruar pozitën e parë në grup dhe në edicionin e ardhshëm të UEFA Liga e Kombeve do të garon në Liga B të këtij kompeticioni të garave që organizon UEFA.
Në të njëjtin grup Armenia para tifozëve vendas në Jerevan pësoi humbje befasuese nga Ishujt Faroe 0-1
Pas pesë raundeve, të zhvilluara Maqedonia është në vendin e parë në grupin 4 me 13 pikë, para Ishujve Faroe me gjashtë, ndërsa Armenia dhe Letonia kanë nga katër.
Në raundin e fundit të grupit 4, Maqedonia e Veriut është nikoqire e Ishujve Faroe , ndërsa në ndeshjen tjetër Letonia është nikoqire e Armenisë.
About Author
