Shaban Sinani
Katër fitore të skuadrave evndase dhe dy barazime me 16 gola të shënuar është epilogu i ndeshjeve të xhiros së 8-të në Ligën e parë të futbollit vendor, Shkëndija mundi Vardarin 4-0, Besa më e mire se Voska Sport, barazojnë Struga TL – Gostivari, ndërsa Rabotniçki mundi Shkupin
Në stadiumin e qytetit në Tetovë para mbi 5.000 tifozëve, kuqezinjtë shënuan fitore spektakulare 4-0 kundër rivalit të përbetuar ekipit të Vardarit. Në një atmosfere të nivelit të lartë golat për ekipin kuqezi i shënuan Trumçi, Ibraimi, Ahmedi dhe Florent Ramadani .
Këtë spektakël të futbollit u mundua ta njollos me sjelljet e tij të njohura portieri mysafir Filip Gaçevski i cili në disa raste provokonte publikun dhe inskenonte se gjoja është goditur nga tifozët por fatmirësisht për të dyja skuadrat sjelljet provokuese të tija nuk kaluan. Me këto tre pike ekipi kuqezi serish kthehet në pozitën e pare me 17 pikë
Në derbin e madh në Struga Trim Lum dhe Gostivari I ndanë pikët duke luajtur me barazim 2-2. Autor të golave për vendasit ishin Kehinde dhe Kampaore, ndërsa për Gostivarin shënuan Ajdogani dhe Simonovski. Goli I barazimit për Gostivarin solli revolt të madhe tek vendasit dhe si pasoj janë ndëshkuar me karton të dy trajnerët e ekipeve dhe drejtori sportive I ekipit vendas.
Në stadiumin e qytetit në Gostivar, Besa e Dobërsdollit me një gol të vetëm të Remzifaik Selmanit mundi Voska Sportin 1-0.
Rabotniçki në arenën “Todor Proeski” mundi ekipin e Shkupit 2-1 me golat qi realizuan Ragba dhe Pinter autogol për vendasit, ndërsa Stojanovski për Çairasit. AP Brera në Strumicë deklasoi Pelisterin 4-0 me golat që i shënuan Ristovski, Jankulov, Ivkoviq dhe Todorovski. Ndërkohë që në stadiumin e qytetit në Kërçovë Tikveshi dhe Sileksi luajtën me barazim pa gola.
Rezultatet:
Shkëndija – Vardari 4-0
Besa e Dobërdollit – Voska Sport 1-0
Struga Trim Lum – Gostivari 2-2
Rabotniçki – Shkupi 2-1
AP Brera – Pelisteri 4-0
Tikveshi – Sileksi 0-0
TABELA: 1. Shkëndija 17 pikë. 2.Gostivari 16, 3. Rabotniçki 16, 4.Sileksi 13, 5.Struga TL 12. 6.AP Brera 11, 7.Shkupi 9, 8.Pelisteri 9, 9.Besa 8, 10.Vardari 7, 11.Tikveshi 6, Voska Sport 5 pikë.
Liga e pare java e IX, më 5 tetor, në ora 14:00. Takohen: Gostivari – Besa, Pelisteri – Tikveshi, Shkupi – AP Brera, Sileksi – Shkëndija, Vardari – Struga Trim Lum, Voska Sport – Rabotniçki
About Author
