Shaban Sinani
Një fitore e ekipeve vendase dhe katër barazime me vetëm 8 gola të shënuar është epilogu i pesë ndeshjeve të xhiros së 7-të që u zhvilluan sot pasdite. Ndeshja e gjashtë Vardari – Sileksi fillon në ora 20:00. Tabelën e kryeson Gostivari me 15 pikë para Shkëndijës që ka 14 dhe Rabotniçkit me 13 pikë
Dështimet e ekipeve favorite në xhiron e 7-të në ;ligën e pare të futbollit vendor, sidomos fitorja e Gostivarit ndaj Shkëndijës solli ndryshim në renditjen e tabelës së klasifikimit, që do të thotë se nga dita e sotme lider në renditjen e tabelës është ekipi I Gostivarit me 15 pikë.
Në stadiumin “Boris Trajkovski” në Maxhari të Shkupit Gostivari mundi Shkëndijën me rezultat bindës 3-1, ndërsa figura tragjike kësaj ndeshje derbi pa dyshim se është portieri Astrit Amzai. Autor të golave për ekipin e Gostivarit ishin Ajdogan, Simonovski dhe Balde, ndërsa golin e nderit për kuqezinjtë e shënoi Besart Ibraimi.
Ndërkohë kampionët në fuqi, janë ndalur me barazim 1:1 nga Voska Sport në Ohër. Jahja shënoi pë epërsi të vendasve në fillim të pjesës së dytë, ndërsa barazoi Radeski në minute e 69. Gjithësesi se me ndarjen e pikëve duhet të mbeten të kënaqur dy skuadrat.
Në stadiumin e Çairit, Shkupi vendas barazoi me ekipin e Besës së Dobërdollit, Vendasit të parët kaluan në epërsi me golin e Edmiundson në minute e 24, ndërsa barazoi Hisar Ali në minute e 82-të, duke i sjellë ekipit mysafirë një pike të madhe pë rrjedhën e mëtutjeshme të kampionatit
Në dy ndeshjet tjera si AP Brera – Tikveshi dhe Pelisteri – Rabotniçki nuk kishte fitues, pasi të dyja sfidat u mbyllën me barazime pa gola.
Xhiroja e shtatë në elitë mbyllet sonte me takimin Vardari – Sileksi që do të luhet në arenën “Todor Proeski”, nga ora 20:00.
Rezultatet e e javës së shtatë
Gostivari – Shkëndija 3-1
AP Brera – Tikveshi 0-0
Pelisteri – Rabotniçki 0-0
Voska Sport – Struga Trim Lum 1-1
Shkupi – Besa e Dobërdollit 1-1
Vardari – Sileksi sonte në ora 20-të
Tabela:1. Gostivari 15 pikë, 2.Shkëndija 14, 3. Rabotniçki 13, 4.Struga Trim Lum 11, 5. Sileksi 9 (-1 lojë), 6.Shkupi 9, 7.Pelisteri 9, 8.AP Brera 8, 9.Vardari 7 (-1 ndeshje), 10. Besa 5, 11.Tikveshi 5, 12.Voska Sport 5 pikë.
Në xhiron e 8-të luhet më 29 shtator ( diel) në ora 14:00. Takohen: AP Brera – Pelisteri, Besa e Dobërdollit – Voska Sport, Rabotniçki – Shkupi, Shkëndija – Vardari, Struga Trim Lum – Gostivari dhe Tikveshi – Sileksi
About Author
