Shaban Sinani
Sot në gjashtë terrenet e Ligës së pare të futbollit u zhvilluan ndeshjet e javës së gjashtë të sezonit vjeshtor. Vendasit shënuan vetëm një fitore, një ndeshje përfundoi me barazim, ndërsa në katër ndeshjet tjera fitues dolën mysafirët. U shënuan gjithësejt 20 gola
Në stadiumin e qytetit në Tetovë ekipi i Shkëndijës shënoi fitore të thellë kundër Voska Sport me rezultatin 5-1 dhe tani e vetmuar me 14 pikë kryeson tabelën e klasifikimit
Autor të golave për ekipin kuqezi ishin Besart Ibraimi 2, Fiton Ademi, Vane Kërstevki, Mevlan Adili nga 1 gol. Golin e nderit për Voskën e shënoi Abdulhadi Jahja
Derbi në stadiumin e qytetit në Strugë përfundoi me fitoren e lartë të ekipit mysafirë 0-3. Autor i tre golave për FC Shkupin ishte Fabrice Tamba .
Fitore në cilësinë e mysafirit 1-2, ka shënuar edhe Gostivari kundër Sileksit në Kratovë. Autor të golave për Gostivarin ishin Aydogan dhe Zuka, ndërsa golin për vendasit e realizoi Gjorgjievski.
Besa e Dobërdollit pësoi disfatë 2-3 kundër Pelisterit në stadiumin e qytetit në Gostivar. Për vendasit gola shënues ishin Remzifaik Selmani 2 gola, ndërsa për ekipin nga Manastiri shënuan Kerim, Ivanovski dhe Kataniq . Fitore në cilësinë e mysafirit ka shënuar edhe Vardari kundër Tikveshit në Kavadar. Me golin e vetëm që e ka shënuar Goran Zakariq.
Ndeshja e vetme që ka përfunduar me barazim 1-1 është ajo që u zhvillua në arenën “Todor Proeski” në Shkup mes Rabotniçkit dhe AP Brera.
Rezultatet:
Besa 1976 – Pelisteri 2-3
Rabotniçki – AP Brera 1-1
Shkendija – Voska Sport 5-1
Sileksi – Gostivar 1-2
Struga Trim Lum – Shkupi 0-3
Tikveshi – Vardari 0-1
TABELA: 1. Shkëndija 14 pikë, 2. Rabootniçki 12, 3.Gostovari 12, 4. Struga Trim Lum 10, 5. Sileklsi 9. 6.Shkupi 8, 7.Pelisteri 8, AP Brera 7, 9.Vardari 7, 10.Besa 4, 11 Tikveshi 4, 12. Voska Sport 4 pikë.
Java e 7-të zhvillohret më 26 shatotr (e mërkurë) në ora 15:00, takohen: AP Brera – Tikveshi, Gostivari – Shkëndija, Pelisteri – Rabotniçki, Shkupi – Besa, Vardari – Sileksi dhe Voska Sport – Struga Trim Lum
About Author
