Zëvendëskryeministri i parë Artan Grubi ishte pjesëmarrës në hapjen solemne të Poliklinikës në Saraj. Grubi në fjalimin e tij tha se ndërtimi i Poliklinikës së Sarajit është nje premtim i realizuar tashmë, vend i cili do të jetë në shërbim të qyetëtarëve, informon PRESSonline.al
Ndër të tjera Grubi shtoi se është nder që në promovimin e hapësirave të kësaj klinike janë përfaqësues nga tre partite politike, që janë dhe pjesë e Frontit Europian.
“Të dashur nikoqirë, unë nuk do ta zgjas shumë. Jam këtu për të uruar të gjithë qyetarët e Komunës së Sarajit, për realizimin e këtij projekti kaq të rëndësishëm për Komunën tuaj, një premtim tashmë i realizuar. Jam I lumtur që në këtë sihariq jemi të pranishëm përfaqësues të të tre partive participuese në Qeverinë e Maqedonisë së Veriut. Kështu bashkë siç jemi në Frontin Europian, ecim bashkë drejt një të ardhme europiane. Urimë qytetarëve! “, deklaroi Grubi.
About Author
