PËR SALIH MISTAFËN ULET DËNIMI NGA 26 NË 22 VJET
Gjykata Speciale e ka liruar nga burgu ish-nënkryetarin e OVL të UÇK-së, Nasim Haradinaj.
Vendimi për lirimin e parakoshëm të tij ka disa kritere që duhet përmbushur nga Haradinaj për pjesën e mbetur të dënimit. Ndër to ai lejohet që të qëndrojë vetëm në shtëpinë e tij ndërsa duhet që të paraqitet çdo javë në stacionin e policisë të identifikuar nga Administratorja;
Gjithashtu administratores duhet t’i dorëzohet pasaporta ose dokumentet e udhëtimit.
Haradinaj bashkë me Hysni Gucatin ishin shpallur fajtorë dhe dënuar me nga 4 vjetë e gjysme burgim për publikimin e dokumenteve të Gjykatës Speciale të cilat ishin sjellë nga persona të panjohur në zyrat e OVL-së së UÇK-së në Prishtinë në vitin 2020.
Ndërkohë Gjykata e Apelit ka ulur dënimin për katër vjet, nga 26 në 22 vjet burgim, për ish-pjesëtarin e Ushtrisë Çlirimtare të Kosovës, Salih Mustafa.
Mustafa u arrestua nga Specialja më 24 shtator 2020.
Trupi gjykues i shkallës së parë së Speciales më 16 dhjetor 2022 e shpalli atë fajtor për krimet e lufte përfshirë ndalimin arbitrar, torturën dhe një vrasje të paligjshme duke e dënuar me 26 vjet burgim.
Aktakuza ndaj Mustafës ishte konfirmuar më 12 qershor 2020.
Ishte çështja e parë që u trajtua në Apelin e Gjykatës Speciale, që prej themelimit në vitin 2015.
About Author
