Nga LSDM kanë publikuar një fotografi ku prezent është kreu i VMRO-DPMNE-së, Hristijan Mickoski, por edhe Antonio Milloshoski nga kjo parti, përcjell TV21. Nga LSDM thonë se në fotografi është edhe personi M.A. nga Gërçeci, i cili më 3 dhjetor në hyrje të Gostivarit u kap me 32 kilogramë marihuanë.“Pasi bashkëpunëtori i Mickoskit nga Peshtani u kap me kokainë, skandal i ri. Mickoski është ulur në të njëjtën tavolinë me personin M.A. nga Gërçeci, i arrestuar për trafikim të 32 kilogramëve drogë në një aksion policor që ndërpreu një kanal ndërkombëtar për kontrabandë droge. Aksioni i policisë është nga 3 dhjetori i këtij viti dhe me veturën e personit M.A., me të cilin është ulur Mickoski është, transportuar drogë në vlerë prej 120.000 euro. Në foto është edhe bashkëpunëtori i ngushtë i Mickoskit, Antonio Milloshoski. Çfarë po kërkojnë Mickoski dhe Milloshoski, në të njëjtën tavolinë me njerëzit nga nëntoka, të cilët ishin pjesë e një rrjeti ndërkombëtar të kontrabandës së drogës? Rreth DPMNE-së është mbledhur “shumë e bardhë”. Çdo ditë ka skandale droge. Një anëtar i njohur i DPMNE-së nga Peshtani dhe bashkëpunëtor i ngushtë i Mickoskit është kapur me kokainë. Me çfarë njerëz është i rrethuar Mickoski tregon se si është ai”, thonë nga LSDM.
About Author
