Komisioneri i BE-së për Zgjerim Oliver Varheji, nga Tirana theksoi se Shqipërisë po i ndodhë anëtarësimi në Bashkimin Evropian, dhe e njëjta gjë vlen edhe për të gjitha vendet e rajonit. Ai njoftoi se BE së shpejti do të publikojë një plan rritjeje për vendet e rajonit.
“Anëtarësimi po vjen në Shqipëri. Anëtarësimi po vjen në Ballkanin Perëndimor. Së shpejti do të dëgjon se çfarë po planifikojmë në këtë drejtim, i cili do të jetë plani i zhvilllimit të Ballkanit Perëndimor, të cilin do ta publikojmë. Me të menjëherë do të përshpejtohet zgjerimi nga 1 janari i vitit të ardhshëm, që të jemi nikoqir të shteteve të reja anëtare sa më shpejt që të jetë e mundur, kur ato të jenë gati. Ne jemi gati”, tha Oliver Varhej – Komisioner Evropian për Zgjerim.
Varheji e paralajmëroi planin para ministrave të jashtëm të vendeve të Ballkanit Perëndimor. Ata u takuan në kuadër të Procesit të Berlinit në Tiranë, ku Samiti i këtij procesi do të mbahet për dhjetë ditë në nivelin e kryeministrave dhe presidentëve. Në takimin e sotëm, Ministri i Jashtëm Bujar Osmani tha se shpallja e Planit të ri të Rritjes për Ballkanin Perëndimor duhet të sigurojë qasje në tregun e përbashkët evropian dhe ndihmë financiare për rajonin.
“Rajoni duhet të shtojë përpjekjet për të zbatuar reformat e brendshme, për të forcuar bashkëpunimin rajonal dhe për të forcuar më tej marrëdhëniet e fqinjësisë së mirë. Tregu i përbashkët rajonal, jo vetëm që mbetet i dashur për zemrat tona, sepse u përurua gjatë kryesimit të përbashkët të Bullgarisë me nismën në vitin 2020, por më e rëndësishmja, ne e shohim atë si një element kyç për rritjen ekonomike të rajonit dhe një hap më afër tregut të vetëm”, u shpreh Bujar Osmani – Ministër i Punëve të Jashtme.
Procesi i Berlinit është një platformë që bashkon Maqedoninë, Shqipërinë, Kosovën, Serbinë, Malin e Zi dhe Bosnjë-Hercegovinën para integrimit të plotë në Bashkim. Iniciatori i procesit është Gjermania, ministrja e jashtme e së cilës Analena Berbok deklaroi se konflikti ndërmjet Kosovës dhe Serbisë është një kërcënim i mundshëm për procesin e Berlinit. /Alsat.mk
About Author
