Ministria e Arsimit dhe Shkencës (MASH) duhet të ndjehet e turpëruar për mënyrën e saj të dështuar për të siguruar librat shkollore të premtuar për nxënësit e Tetovës. Situata e mungesës së teksteve shkollore në këtë komunë është një pasqyrë e qartë e mangësisë së kujdesit dhe përgjegjësisë së kësaj ministrie ndaj arsimit dhe të ardhmes së brezave të rinj tha ne pres konference Nazmi Dauti udheheqes i sektorit pwr arsim nw komunwn e Tetovws.
Në kohën kur nxënësit duhet të jenë të përgatitur për një vit të ri shkollor, ata janë të lënë në errësirë nga Ministria e Arsimit dhe Shkencës. Në shkollat e Tetovës mungojnë mbi 45,000 libra, dhe situata po bëhet gjithnjë e më e rëndë. Nxënësit po përballen me vështirësi të pashembullta për të mësuar dhe zhvilluar aftësitë e tyre themelore, ndërsa MASH duket se është në një gjendje të përgjumur.
Kjo mungesë e theksuar e teksteve shkollore është një dështim i qartë i Ministrisë së Arsimit dhe Shkencës për të përmbushur premtimet e tyre ndaj arsimit. Nxënësit janë të deprivuar nga një burim mësimor themelor, duke u detyruar të mbështeten në shënime me dorë dhe materiale të kufizuara. Kjo nuk paraqet vetëm dështim ndaj nxënësve të Tetovës, por paraqet një dështim të plotë ndaj të ardhmes së Maqedonisë së Veriut.
Është e turpshme të shohësh që MASH, një institucion që duhet të kujdeset për arsimin dhe zhvillimin e brezave të rinj, është në gjendje të shpërfillë nevojat e shkollave dhe nxënësve. Nuk është koha për fjalë të bukura dhe premtimet boshe, por për veprime konkrete. MASH duhet të marrë përgjegjësi për këtë dështim të madh dhe të ndërhyjë menjëherë për të siguruar librat e nevojshëm shkollore për nxënësit e Tetovës.
Komuna e Tetovës është e vendosur që të mbrojë të drejtën e nxënësve për arsim cilësor dhe do të vazhdojë të bëjë thirrje për ndihmë dhe përkrahje nga donatorët dhe instancat tjera qeveritare dhe ndërkombëtare. Është koha që fjalët të ndërrohen me vepra dhe të sigurojmë arsim të barabartë dhe cilësor për të gjithë nxënësit.
Kërkojmë që Ministrisë së Arsimit dhe Shkencës t’i përgjigjet kësaj thirrjeje dhe të japë një shpjegim të qartë se përse ky problem është lejuar të zgjasë kaq gjatë. Ne nuk duam që ardhmëria e fëmijëve tanë të preket. Ne kërkojmë ndryshime dhe përmirësime të menjëhershme për të garantuar një arsim sa më cilësor.
Mjaft më me vjedhje të parave tona! Mjaft më edhe me vjedhje të ardhmësisë sonë! Nxënësit duan të mësojnë! Përmirësoni kushte se për këtë jeni aty! tha ne pres konference Nazmi Dauti udheheqes i sektorit pwr arsim nw komunwn e Tetovws.
About Author
