Sot do të luhet një numër i madh ndeshjes të cilat vlejnë për rrugëtimin në çerekfinalet e Europa League dhe Conference League.
Në Europa League do të luhen 8 sfida interesante dhe të forta. Juventus do të ndeshet në Torino me Freiburgun. “Zonja e Vjetër” shihet favorite në këtë përballje, por nuk duhet të nënvlerësohet ekipi gjerman, pasi në ligën e tij është një ekip konkurrues.
Roma do të përballet në Olimpiko ndaj Real Sociedad. Kjo sfidë pritet të jetë emocionuese, pasi spanjollët janë një ekip goxha i fortë. Përplasje e bukur do të jetë dhe ajo mes Sportingut dhe Arsenalit, sfidë e cila do të luhet në Portugali. Manchester United do të ketë në “Old Trafford” spanjollët e Real Betisit.Conference League do të startojë sot fazën e 1/8-ave me 7 sfida. Ndeshja më interesante pritet të jetë ajo mes Anderlechtit dhe Villarreal, por edhe Sheriff Tiraspol-Nice. Fiorentina vazhdon rrugëtimin e saj të bukur në këtë kompeticion, ku do të përballet në Firence kundër Sivassporit./ h.ll/abcnews.al
About Author
