Ministria e Punëve të Brendshme (MPB) gjatë ditës së djeshme (19.11.2022) ka vazhduar me intensifikimin e kontrolleve në komunikacion.
Nga MPB-ja, kanë bërë të ditur se në territorin e qytetit të Shkupit janë shqiptuar gjithsej 203 gjoba, nga të cilat 36 gjoba për drejtim mjeti mbi shpejtësinë e lejuar, 21 sanksione për drejtim mjeti nën ndikimin e alkoolit, tetë sanksione për vozitje pa patentë shofer.
“Janë shqiptuar edhe 14 masa për përdorimin e celularit gjatë drejtimit të automjetit, katër sanksione për kalim në semaforin e kuq, pesë masa për automjete të paregjistruara.bApelojmë deri te qytetarët të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thonë nga MPB-ja.
About Author
