Pronari i Kompanisë HR1SYSTEMS nga Shtetet e Bashkuara të Amerikës, shqiptaro-amerikani Aleksander Ali Dalipi e vizitoi Universitetin e Tetovës, me ç’rast u takua me prorektorin për Bashkëpunim Ndërkombëtar, Prof. Dr. Shefik Shehun dhe dekanin e Fakultetit Ekonomik, Prof. Dr. Brikend Azirin. Gjatë qëndrimit të tij në Universitetin tonë, ai para studentëve dhe stafit akademik të Fakultetit Ekonomik zhvilloi një ligjëratë profesionale, me temë: “Si të përgatitemi për intervista pune brenda organizatave ndërkombëtare”.
Gjatë ligjëratës së tij tha se është shumë e rëndësishme që të dimë të organizohemi se si të përgatitemi për intervista pune brenda organizatave dhe institucioneve ndërkombëtare, pasi që për të pasur një intervistë sa më të suksesshme fillimisht duhet kushtuar rëndësi CV-së, pasi që përshtypjet e para janë kyçe.
Sipas tij, çdo vend pune ka kërkesat e veta dhe është e rëndësishme që të merren këshillat e duhura, pasi që edhe pyetjet e intervistës janë të ndryshme, si për shembull, të flasësh për aftësitë e tua të përfshish disa nga pikat e forta dhe të dobëta të karakterit, disa arsye pse dëshironi të punoni e të tjera. Aleksander Ali Dalipi është ligjërues në kolegjet amerikane Baruch dhe Lehman në Nju Jork të Shteteve të Bashkuara të Amerikës.
About Author
