Të dashur Tetovarë, edhe pse nuk duam që të merremi me të kaluarën e hidhur që kanë përjetuar Tetovarët nga BDI, e në veçanti komuna e Tetovës nga ish kryetarja, jemi dëshmitarë se si pa fije turpi 12 vjet dështim, mundohen të marrin meritat tona për punët që kemi arritur t’i bëjmë vetëm për këtë periudhë të shkurtë, edhe përkundër të gjithë bllokadave të mundshme nga pushteti qendrorë BDI është pjesë e saj ka shkruar Besar Durmishi ne rrjetin social Facebook.
Gjithsesi se e ndjejmë obligim që të njoftojmë qytetarët dhe unë do mundohem që së paku disa pika ti sqaroj për punët që realizohen në qytetin tonë gjatë këtyre muajve që ne kemi nën menaxhim Komunën e Tetovës.
Që nga ardhja jonë në krye të komunës në vazhdimësi jemi angazhuar për zhvillimin e qytetit, në asnjë moment nuk kemi bërë ndasi dhe nuk kemi bërë selektim apo ndarje të punëve apo përgjegjësisë. Zhvillimi i qytetit është e mirë e përgjithshme, prandaj edhe proceset në të cilat ne po punojnë janë projekte dhe punë që do i gëzojnë qytetarët. Por, qytetarët duhet të din të vërtetën dhe unë do të filloj nga Bulevardi “Bllagoja Toska”. Shumë herë u promovua nga udhëheqësia e kaluar por asnjëherë nuk u vendos në funksion, 12 vjet pritje, 12 vjet gënjeshtra, edhe për kundër ultimatumit të TAV-it që duhej të lëshohej në përdorim, udhëheqësia e kaluar e komunës nuk ishte e aftë ta realizoj në kohë. Në vend të punës ata për 8 vite zgjodhën gënjeshtrën, për 8 vjet i gënjyen qytetarët për shumë projekte të cilat mbetën vetëm zhargon politiko-zgjedhor. Për secilin vit nëpër konferenca mburreshin se e kanë zgjidhur problemin e bulevardit, por realiteti tregon diçka krejt ndryshe, shumë funksionar erdhën e promovuan dhe u larguan nga funksioni i tyre por bulevardi mbeti përgjysmë. Nga ardhja jonë në krye të komunës ne e bëmë realitet këtë bulevard, në vetëm 7 muaj udhëheqje aorta e qytetit është në proces e sipër për të përfunduar ka shkruar ish kryesuesi i Keshillit te Komunës së Tetovës, Besar Durmishi në rrjetin social Facebook.
Është për të ardhur keq sesi ju pengon çdo punë e jona, rasti i rrugës “Strasho Pinxhur”, është tregim në vete, projekti i udhëheqësise së kaluar përfshin vetëm gërryerjen e asfaltit dhe vetëm asfaltimin, rrugë e cila u shkatërrua vetëm sa për zgjedhje për ti manipuluar qytetarët. Ndërsa Ne kemi bërë intervenime shtesë që kjo rrugë të bëhet sipas të gjitha standardeve të nevojshme duke përfshirë kanalizimin fekale , kanalizimin atmosferik, rrjeti ujësjellësit, trotuare të reja, gjelbërim si dhe ndriçim LED. Sot, kemi një rrugë sipas të gjitha standardeve ashtu siç i ka hije një rruge të qytetit.
Kemi gjetur projekte gjysmake gjithandej me shumë parregullsi dhe keqpërdorime. Ndërmarrja e Transportit nga udhëheqësit e kaluar ishte vetëm emër asgjë më shumë, pa punëtor, pa shofer, pa administratë. Kjo është e vërteta që duhet të din qytetarët dhe jo ajo që u servohet nga dështakë të cilët e morën dënimin me votë në zgjedhjet lokale. Nga një ndërmarrje fantomë, pa punëtor, pa administrate, pa zyra pune, ne në kohë rekorde kemi arritur që t’i sistemojmë të gjitha. Sot, e kemi të paraqitur si ndërmarrje me të gjitha nishanet siç i ka hije. Dallimi jonë prej atyre është shumë i thjesht, ata din të thonë gënjeshtra, ne dimë të bëjmë punë.
Vizioni ynë për një qytet të pastër ka qenë dhe është angazhimi dhe puna jonë që nga marrja e detyrës, sigurimi i kontejnerëve gjysmë nëntokësor si dhe marrja e dy kamionëve special për transportin e mbeturinave. Përshpejtimi i procedurave të tenderimit, si dhe menaxhimi efikas që kemi bërë na kanë sjellë deri tek këto suksese për qytetin dhe ndërmarrjen tonë.
Rruga “Sami Frashëri” e cila u fillua para zgjedhjeve duke i trajtuar qytetarët si makineri votuese nga ana e udhëheqësise se kaluar, edhe njëherë tregon për vullnetin dhe qëllimin që ish kryetarja ka pasur. Në këtë rrugë ne kemi bërë intervenime shtesë, është instaluar rrjeti i ri ujësjellësit, intervenim në kanalizimin fekale dhe atë atmosferik, trotuare, gjelbërim si dhe asfaltim i tërësishëm i rrugës.
Ndërmarrja e Parkingut ku janë vjedhur qindra e mijëra euro është edhe një tregim i suksesshëm nga puna që ata din të bëjnë, kaos, borxh 300 mijë euro si dhe paga që punëtorët nuk i kanë marr nga 8 muaj. Udhëheqësi e kaluar vetëm këtë aftësi menaxhimi ka pasur, që për ta ndoshta është shumë njerëzore. Sot, kemi një ndërmarrje me një bilanc më të mirë, me një rend krejtësisht ndryshe, kemi zvogëluar një pjesë të madhe të borxhit dhe rrogat tash jepen në kohë dhe në rregull. Sepse qëllimi ynë është që pagesat e qytetarëve të shkojnë aty ku duhet, në arkën e ndërmarrjes.
Është për tu habitur sesi kanë fytyrë të dalin dhe të flasin para qytetarëve, kur vetë ata e lanë në gjendje të mjerueshme komunën, me borxh miliona euro, me afera korruptuese si dhe keqpërdorime të shumta. Qytetarët tani e shohin sesi udhëheqim me ta, dhe jo siç keni sunduar ju, Ku padronët Tuaj janë sjellë andej-këndej nëpër komunë dhe nëpër ndërmarrjet e komunës. Modelin e mirë udhëheqës qytetarët e kanë përqafuar tashmë, ashtu siç do na japin mbështetje me 20 gusht. Fatmirësisht, ju jeni e hidhura e kaluar e këtij qyteti, që nuk do t’ua shoh sytë.
About Author
