Të nderuar besimtarë të fesë islame,
më lejoni që në emër të studentëve, stafit akademik dhe të gjithë punonjësve të Universitetit të Tetovës, t’Jua uroj festën e Fitër Bajramit.
Besoj se kjo ditë e shënuar do të na motivojë për forcimin e besimit, mendjeve dhe zemrave tona drejt qëllimeve të larta humane.
Kjo festë, të gjithë besimtarët e fesë Islame i afron pranë njëri – tjetrit, për të shprehur vlerat njerëzore si respektin, tolerancën dhe mirëkuptimin në shërbim të të gjithëve dhe për të një të ardhme më të begatë.
Edhe një herë nderimet më të sinqerta për të gjithë besimtarët myslimanë, paçin mirësi e begati dhe Zoti ua pranoftë agjërimin dhe lutjet që i kanë kryer gjatë muajit të bekuar të Ramazanit.
Urime Fitër Bajramin për të gjithë Ju dhe familjet tuaja!
Prof. Dr. Reshat Qahili
Rektor i Universitetit të Tetovës
About Author
