Me 32 vota PËR dhe 55 KUNDËR nuk kaloi propozimi i opozitës për shfuqizimin e Qeverisë së Përzhinës. Paraprakisht deputetët e shumicës pohonin se edhe ata janë për shfuqizimin e këtij modeli, por se kjo duhet të bëhet me konsensus mes partive më të mëdha politike. Koordinatori i VMRO-DPMNE-së, Nikolla Micevski, në arsyetimin e tij tha se Qeveria teknike e ashtuquajtura e Qeveri e Përzhinës është treguar si jofunksionale dhe se duhet të shfuqizohet. Me marrëveshjen për Qeveri të Përzhinës në vitin 2016 u parapa që 100 ditë para zgjedhjeve të zgjidhet qeveri teknike ku merr pjesë edhe opozita.“Këtë zgjidhjen ligjore e parashtrojmë për arsye se për të njëjtën tashmë është debatuar në një prej takimeve të fundit të partive më të mëdha politike, e dimë se ligji është sjellë me konsensus dhe mendojmë se sipas asaj që është biseduar, i njëjti duhej të tërhiqej që në shtet të mund të kthehet mënyra për sjelljen e ligjit për Qeveri dhe funksionimin e qeverisë në periudhën parazgjedhore dhe pas zgjedhjeve me një qëllim, për shkak se mosfunksionimit e kësaj zgjedhjeje ligjore kishim mundësi ta shohim disa herë“, tha Nikolla Micevski, koordinator i VMRO-DPMNE -së
About Author
