Sot pas kalimit të Fatmir Limanit në Lëvizjen Besa, kryetari i këtij subjekti politik, Bilall Kasami u pyet nëse dikush nga i ashtuquajturi “Grupi i Zjarrit” pritet të kalojë në Lëvizjen Besa. Kasami u përgjigj se kanë komunikim me shumë aktivistë dhe se së shpejti do të bëjnë publike emrat e bashkëpunëtorëve të rinj.
“Ne kemi qenë në komunikim permanent me shumë aktivistë, një ndër ata kryesorët është edhe Limani, me të cilin sot edhe e publikojmë bashkëpunimin për të ardhmen dhe gjithë ata të cilët kanë qenë bashkëpunëtorë të afërt të Fatmirit, një pjesë janë në mesin tonë, të tjerët ditëve në vijim do të jenë pjesë e aktiviteteve tona deri në organizim të kongresit, por se kush do të jetë, si do të jetë në të ardhmen, mbetet në të ardhmen që ata zhvillime ti prezantojmë para opinionit”, tha mes tjerash Kasami
About Author
