Barcelonës do i duhet një fitore në ndeshjen e fundit në grupet e Ligës së Kampioneve ndaj Bajern Mynih që të sigurojë kualifikimin për në fazën me eliminim direkt të turneut.
Skuadra katalanase sot mund të hidhte hapin e sigurt drejt turit tjetër me një fitore ndaj Benfikës. Por skuadra e Çavit sot la për të dëshiruar para portës kundërshtare dhe mbylli 0-0 sfidën ndaj portugezëve që i ndjekin me 2 pikë diferencë në klasifikim dhe kanë një avantazh në ndeshjet direkte me katalanasit pasi i kanë mundur 3-0 në sfidën e parë.
Edhe Atalanta duhet të fitojë ndeshjen e fundit ndaj Vijareal që të jetë e sigurt për një vend mes 16 skuadrave më të mira, pasi sot nuk arrit të bënte më shumë se një barazim ndaj Jang Bojs në transfertë.
Kurse Grupi E është ai ku mund të ndodhë gjithçka në ndeshjen e fundit. Kreun e mban përkohësisht Lila, por mund ta humbasë në ndeshjen e fundit e të kalohet pikërisht nga Volfsburgu i vendit të katërt.
About Author
