Presidentja e Republikës së Kosovës, Vjosa Osmani, në mbështetje të legjislacionit në fuqi, ka marrë vendim të mërkurën, me 24 nëntor 2021, të shpallet ditë zie shtetërore në shenjë solidarizimi dhe nderimi të qytetarëve të Maqedonisë së Veriut, shumica dërmuese bashkëkombas tanë, të cilët kanë humbur jetën tragjikisht në aksident trafiku në Bullgari.
Kështu është bërë e ditur përmes një komunikate për medie nga Zyra e Presidentes.
Autoritetet bullgare raportojnë se të paktën 45 veta humbën jetën kur një autobus u përfshi nga flakët të martën në Bullgarinë perëndimore.
About Author
