Është paraparë Varheji të ketë takim me kryeministrin Zoran Zaev, ku do të bëhet fjalë për përparimin në procesin e eurointegrimit të vendeve nga Ballkani Perëndimor. Pritet që në fokus të jetë tejkalimi i bllokadës bullgare për fillim të negociatave inkuadruese të Maqedonisë së Veriut me BE-në.
Nga KE-ja theksojnë se eurokomisari Varheji është në komunikim me të gjitha palët relevante lidhur me diskutimin për fillim të negociatave me Maqedoninë e Veriut dhe Shqipërinë sa më parë të jetë e mundur.
Varheji javën e kaluar ishte në Bullgari, ku me presidentin Rumen Radev dhe ministrin teknik të Punëve të Jashtme, Svetllan Stoev bisedoi për mënjanimin e bllokadës bullgare për fillim të negociatave të Maqedonisë së Veriut me BE-në.
Vizita e Varhejit në Shkup pason një ditë pas vizitës së kryetares së Komisionit evropian, Ursulla fon der Lajen, e cila në bisedimet me autoritetet në vend gjithashtu bisedoi edhe për kontestin me Bullgarinë dhe tejkalimin e tij. Ajo shfaqi bindje se është i mundshëm tejkalimi i bllokadës nga Sofja dhe mbajtja e konferencave të para ndërqeveritare me Maqedoninë e Veriut dhe Shqipërinë deri në fund të këtij viti.
About Author
